వైట్‌హెడ్స్‌ వదిలించుకోండిలా
ABN, First Publish Date - 2020-11-29T15:38:45+05:30
అమ్మాయిలకు ముక్కు, గెడ్డం భాగాలలో వైట్‌ హెడ్స్‌ ఇబ్బంది పెడుతుంటాయి. వాటిని ఇంట్లోనే సులువుగా తొలగించుకోవచ్చు. పసుపు, వేపాకులు కలిపి మెత్తని పేస్టులా చేసి వైట్‌ హెడ్స్‌ ఉన్న ప్రాంతంలో రాసి ...
అమ్మాయిలకు ముక్కు, గెడ్డం భాగాలలో వైట్‌ హెడ్స్‌ ఇబ్బంది పెడుతుంటాయి. వాటిని ఇంట్లోనే సులువుగా తొలగించుకోవచ్చు. పసుపు, వేపాకులు కలిపి మెత్తని పేస్టులా చేసి వైట్‌ హెడ్స్‌ ఉన్న ప్రాంతంలో రాసి ఇరవై నిమిషాలు వదిలేయాలి. ఆ తరువాత నీటితో మర్ధనా చేసి కడిగేసుకోవాలి. ఇలా చేస్తే మంచి ఫలితం ఉంటుంది. శెనగపిండి లేదా పెసరపిండితో కూడా మర్ధనా చేసుకుని కాసేపయ్యాక శుభ్రం చేసినా వైట్‌ హెడ్స్‌ మాయం అవుతాయి. గుడ్డులోని తెల్లసొన కూడా బాగా పనిచేస్తుంది. తెల్లసొనను బాగా గిలక్కొట్టి వైట్‌హెడ్స్‌ వస్తున్న చోట రాయాలి. ఎండిన తరువాత గోరువెచ్చటి నీటితో కడిగేసుకోవాలి. ఇలా తరచూ చేస్తే అవి రాకుండా అడ్డుకోవచ్చు. వంటసోడా కూడా వైట్‌ హెడ్స్‌ను నిరోధించడంలో ముందుంటుంది. వంటసోడాను కాస్త తడిపి వైట్‌హెడ్స్‌ వచ్చే చోట మసాజ్‌ చేయాలి. కాసేపయ్యాక నీటితో కడిగేసుకోవాలి. ఇలా వారంలో రెండు మూడు సార్లు చేస్తే మంచి ఫలితం ఉంటుంది.
Updated Date - 2020-11-29T15:38:45+05:30 IST