వంటిల్లే ఔషధశాల...
ABN, First Publish Date - 2020-11-26T05:44:07+05:30
ఇంటి నుంచి బయట అడుగుపెడితే చాలు కాలుష్యంతో ఉక్కిరిబిక్కిరి అయిపోతాం. కాలుష్యం కారణంగా ఊపిరితిత్తుల పనితీరు నెమ్మదిస్తుంది. గుండె సంబంధ జబ్బులు వచ్చే అవకాశం కూడా ఉంది. కాలుష్యం కరోనా ప్రమాదాన్ని పెంచుతుంది. ఈ సమస్యల నుంచి వంటింట్లో లభించే ఔషధ దినుసులతో ఎలా బయటపడొచ్చో చూద్దాం
ఇంటి నుంచి బయట అడుగుపెడితే చాలు కాలుష్యంతో ఉక్కిరిబిక్కిరి అయిపోతాం. కాలుష్యం కారణంగా ఊపిరితిత్తుల పనితీరు నెమ్మదిస్తుంది. గుండె సంబంధ జబ్బులు వచ్చే అవకాశం కూడా ఉంది. కాలుష్యం కరోనా ప్రమాదాన్ని పెంచుతుంది. ఈ సమస్యల నుంచి వంటింట్లో లభించే ఔషధ దినుసులతో ఎలా బయటపడొచ్చో చూద్దాం..
అల్లం: జలుబు, దగ్గు వంటి చిన్న చిన్న అనారోగ్యాల నుంచి అల్లం బయటపడేస్తుంది. దీనిలోని యాంటీ ఇన్‌ఫ్లమేటరీ గుణాలు శ్వాసనాళంలోని మలినాలను తొలగిస్తాయి. అంతేకాదు అల్లంలోని విటమిన్లు, పొటాషియం, బీటాకెరోటిన్‌, జింక్‌ ఊపిరితిత్తులను ఆరోగ్యంగా ఉంచుతాయి. అల్లంను టీ, కూరలో నిత్యం తీసుకోవాలి.
పసుపు: శ్వాసపరమైన సమస్యల వల్ల వచ్చే ఇన్‌ఫ్లమేషన్‌ను పసుపు తగ్గిస్తుంది. దీనిలోని పదార్థాలు ఊపిరితిత్తులను శుభ్రం చేస్తాయి. అంతేకాదు రోగనిరోధకశక్తిని పెంచి, ఒంట్లోని మలినాలను తొలగిస్తాయి. పాలలో, కూర, సలాడ్‌, స్మూతీలలో పసుపు వేసుకుంటే ఆరోగ్యానికి అన్నివిధాలా మంచిది.
వెల్లుల్లి: ఇది యాంటీబయాటిక్‌గా పనిచేసి, శ్వాసవ్యవస్థలో ఏర్పడే ఇన్‌ఫెక్షన్లను దూరం చేస్తుంది. శ్వాసతీసుకోవడంలో ఇబ్బందిని పోగొడుతుంది. ఊపిరితిత్తుల కేన్సర్‌ ముప్పును అడ్డుకుంటుంది. ఆస్తమాతో బాధ పడేవారికి వెల్లుల్లి ఔషధంగా పనిచేస్తుంది.
తేనె: దీనిలో యాంటీ బ్యాక్టీరియల్‌ గుణాలు శ్వాసపరమైన సమస్యలను దూరం చేస్తాయి. శ్వాస తీసుకోవడంలో ఏ ఇబ్బంది లేకుండా చేసి, ఊపిరితిత్తులను ఆరోగ్యంగా ఉంచుతుంది. వేడినీళ్లలో ఒక స్పూన్‌ తేనె కలిపి తాగితే ఊపిరితిత్తులు శుభ్రపడతాయి. జలుబు, దగ్గుకు తేనె మంచి ఔషధం.
Updated Date - 2020-11-26T05:44:07+05:30 IST