వానల్లో ఇలా...!
ABN, First Publish Date - 2020-10-05T05:30:00+05:30
వానాకాలంలో వ్యాధులు ప్రబలే అవకాశం ఎక్కువగా ఉంటుంది. అందుకే ఇంటిని, పరిసరాలను పరిశుభ్రంగా ఉంచుకోవడంపై దృష్టి పెట్టాలి...
వానాకాలంలో వ్యాధులు ప్రబలే అవకాశం ఎక్కువగా ఉంటుంది. అందుకే ఇంటిని, పరిసరాలను పరిశుభ్రంగా ఉంచుకోవడంపై దృష్టి పెట్టాలి.
- ఇంటిని శుభ్రం చేయడానికి ఉపయోగిస్తున్న కెమికల్స్‌ కూడా అనారోగ్యానికి కారణం కావచ్చు. ఇంట్లోకి గాలి ధారాళంగా రాకపోతే వాటి ప్రభావం ఎక్కువగా ఉంటుంది. కాబట్టి ఇంట్లో అలాంటి కెమికల్స్‌ వాడకం తగ్గించండి. గాలి, వెలుతురు బాగా వచ్చేలా చూసుకోండి.
- బెడ్‌షీట్స్‌, పిల్లోలు శుభ్రంగా లేకపోతే డస్ట్‌మైట్స్‌ ఉండే అవకాశం ఉంటుంది. అవి ఎలర్జీకి కారణమవుతాయి. కాబట్టి పిల్లో షీట్స్‌, బెడ్‌ షీట్స్‌ శుభ్రంగా ఉతకండి.
- ఇంట్లో స్వచ్ఛమైన గాలి లభించాలంటే గది మూలల్లో కొన్ని మొక్కలు ఏర్పాటు చేసుకోవాలి. గాలిలో కాలుష్యాన్ని తగ్గించే మొక్కలు మార్కెట్లో లభిస్తున్నాయి. అలాంటివి ఎంచుకుంటే మరీ మంచిది. అవుట్‌డోర్‌ గార్డెనింగ్‌తోపాటు ఇండోర్‌ గార్డెనింగ్‌ ఇప్పుడు చాలా అవసరం.
- ఇంటి ఆవరణలో కూరగాయల మొక్కలు పెంచుతున్నట్లయితే పెస్టిసైడ్స్‌ అస్సలు వాడకండి. ఇంట్లో బొద్దింకల కోసం ఉపయోగించే స్ర్పేలు, చీమల కోసం ఉపయోగించే మందుల వల్ల పిల్లల్లో ఆస్తమా, లెర్నింగ్‌ డిసేబులిటీస్‌ వచ్చే అవకాశం ఉంది. కాబట్టి ఆ విషయంలో జాగ్రత్త తీసుకోండి.
- ఇంట్లో సూర్యరశ్మి పడేలా చూసుకోండి. రోగనిరోధక శక్తి పెరగడానికి సహజకాంతి దోహదపడుతుంది. మెదడు పనితీరు బాగుంటుంది.
Updated Date - 2020-10-05T05:30:00+05:30 IST