పెదవులు పగలకుండా...
ABN, First Publish Date - 2020-10-08T05:30:00+05:30
వంటింట్లో ఉండే నెయ్యితో ఆహారానికి రుచిని తేవడంతో పాటు అందాన్ని పెంచుకోవచ్చు...
వంటింట్లో ఉండే నెయ్యితో ఆహారానికి రుచిని తేవడంతో పాటు అందాన్ని పెంచుకోవచ్చు.
- కొద్దిగా నెయ్యిని పచ్చి పాలు, సెనగపిండిలో వేసి పేస్ట్‌ తయారుచేసుకోవాలి. ఈ పేస్ట్‌ను చర్మానికి రాసుకొని నెమ్మదిగా మసాజ్‌ చేసుకోవాలి. 15 నిమిషాల తరువాత శుభ్రం చేసుకోవాలి. ఈ ఫేస్‌ప్యాక్‌ను తరచూ వాడితే చర్మానికి తేమ అందుతుంది. నిగారింపు కూడా సొంతమవుతుంది.
- పొడిబారిన, పగుళ్ళు ఏర్పడిన పెదవులకు నెయ్యి చక్కగా పనిచేస్తుంది. రాత్రిపూట నిద్రపోయే ముందు పెదవులకు నెయ్యి రాసుకొని, మర్ధన చేయాలి. ఉదయాన్నే నీళ్లతో శుభ్రం చేసుకోవాలి. ఇలా చేస్తే పెదవులు పొడిబారడం తగ్గిపోతుంది.
- తేమ, పోషణ అందకపోవడం వల్ల కురులు నిర్జీవంగా కనిపిస్తాయి. టేబుల్‌స్పూన్‌ నెయ్యిని వేడిచేసి చల్లార్చాలి. తరువాత ఆ నెయ్యిని జుట్టుకు పట్టించాలి. రెండు గంటలు అలానే ఉండాలి. తరువాత షాంపూతో తలంటుకుంటే కేశాలు జీవాన్ని పొంది పట్టులా మెరుస్తాయి.
- కొంచెం నెయ్యి తీసుకొని, చర్మానికి మసాజ్‌ చేస్తున్నట్టుగా రాసుకోవాలి. కొద్దిసేపు అలానే ఉండి తరువాత నీళ్లతో శుభ్రం చేసుకోవాలి. నెయ్యిలో చర్మాన్ని యవ్వనంగా కనిపించేలా చేసే గుణాలున్నాయి. ఇవి వయసుతో వచ్చే ముడతలను తగ్గించి, చర్మాన్ని బిగుతుగా మారుస్తాయి.
Updated Date - 2020-10-08T05:30:00+05:30 IST