మహిళా ఉద్యోగులకు ఇకపై నెలసరి సెలవలు.. జోమాటోలో కొత్త విధానం!
ABN, First Publish Date - 2020-08-09T05:22:41+05:30
మహిళ సౌకర్యార్థం ప్రముఖ ఫుడ్ డెలివరీ సంస్థ జోమాటో కొత్త విధానాన్ని ప్రవేశ పెట్టింది.
న్యూఢిల్లీ: మహిళ సౌకర్యార్థం ప్రముఖ ఫుడ్ డెలివరీ సంస్థ జోమాటో కొత్త విధానాన్ని ప్రవేశ పెట్టింది. మహిళా ఉద్యోగులు ఏడాదికి పది రోజుల పాటు నెలసరి సెలవులు తీసుకోవచ్చని ప్రకటించింది. ఈ విషయంపై నెలకొన్న అనవసర మొహమాటాన్ని, వెనకడుగును తొలగించే ప్రయత్నంలో భాగంగా ఈ నిర్ణయం తీసుకున్నట్టు తెలిపింది. ‘నెలసరి సమయంలో సెలవులు తీసుకునేందుకు మహిళలు మొహమాటపడాల్సింది ఏమీ లేదు’ అని జోమాటో చీఫ్ ఎక్జిక్యూటివ్ దీపీందర్ గోయల్ వ్యాఖ్యానించారు. ఇక 2018లో శబమరిమల విషయంలో సుప్రీం కోర్టు చారిత్రాత్మక తీర్పు వెలువరించిన విషయం తెలిసిందే. నెలసరి వయసులో ఉన్న మహిళలు శబరిమలలో ప్రవేశించాడాన్ని నిషేధించే అచారం చట్టపరంగా చెల్లుబాటు కాదంటూ సర్వోన్నత న్యాయస్థానం విప్లవాత్మక తీర్పు వెలువరించింది.
Updated Date - 2020-08-09T05:22:41+05:30 IST