ట్రంప్‌కు విషపు పార్సిల్.. మహిళ అరెస్ట్..
ABN, First Publish Date - 2020-09-21T18:00:47+05:30
అమెరికా అధ్యక్షుడు డొనాల్డ్‌ ట్రంప్‌కు విష పదార్థంతో నింపిన పార్సిల్ పంపిన ఘటనలో అధికారులు ఓ అనుమానితురాలిని...
వాషింగ్టన్: అమెరికా అధ్యక్షుడు డొనాల్డ్‌ ట్రంప్‌కు విష పదార్థంతో కూడిన పార్సిల్ పంపిన ఘటనలో అధికారులు ఓ అనుమానితురాలిని అదుపులోకి తీసుకున్నారు. అమెరికా-కెనడా సరిహద్దు వద్ద ఆమెను అరెస్ట్ చేసినట్టు ఎఫ్‌బీఐ అధికారి ఒకరు వెల్లడించారు. ‘‘అనుమానిత పార్సిల్ పంపినట్టు ఆరోపణలు ఎదుర్కొంటున్న ఓ మహిళను అదుపులోకి తీసుకున్నాం. ప్రస్తుతం విచారణ కొనసాగుతోంది...’’ అని ఆయన తెలిపారు. అరెస్ట్ అయిన మహిళ కెనడా పౌరురాలిగా అధికార వర్గాలు చెబుతున్నాయి. కాగా కెనడా నుంచే సదరు లేఖ వెళ్లినట్టు గుర్తించడంతో.. ఈ కేసులో విచారణ కోసం ఎఫ్‌బీఐ అధికారులు తమ సాయం కోరినట్టు కెనడా పోలీసులు వెల్లడించారు.
నిన్న కొందరు గుర్తు తెలియని వ్యక్తులు డొనాల్డ్‌ ట్రంప్‌కు విష పదార్థంతో కూడిన ఓ పార్సిల్ పంపడంపై తీవ్ర కలకలం రేగిన విషయం తెలిసిందే. అయితే అది వైట్‌ హౌస్‌కు చేరకముందే ఫెడరల్‌ అధికారులు పసిగట్టడంతో పెను ముప్పుతప్పింది. ఆ కవర్‌ లోపల రిసిన్‌ అనే ప్రాణాంతక విష పదార్థం ఉన్నట్టు ప్రాథమిక దర్యాప్తులో గుర్తించామని అధికారులు తెలిపారు.
Updated Date - 2020-09-21T18:00:47+05:30 IST