హింస, లింగ వివక్షకు వ్యతిరేకంగా యువత నడుం బిగించాలి: ఉపరాష్ట్రపతి
ABN, First Publish Date - 2020-10-11T20:26:04+05:30
అంతర్జాతీయ బాలికా దినోత్సవం సందర్భంగా ఉపరాష్ట్రపతి వెంకయ్య నాయుడు శుభాకాంక్షలు తెలిపారు. ‘నా స్వరం – మా సమాన భవిష్యత్తు’ అనే ఈ ఏడాది నేపథ్యం ద్వారా సమానత్వం కోసం
న్యూఢిల్లీ: అంతర్జాతీయ బాలికా దినోత్సవం సందర్భంగా ఉపరాష్ట్రపతి వెంకయ్య నాయుడు శుభాకాంక్షలు తెలిపారు. ‘నా స్వరం – మా సమాన భవిష్యత్తు’ అనే ఈ ఏడాది నేపథ్యం ద్వారా సమానత్వం కోసం నినదిస్తున్న బాలికల గొంతుకలు సమాజంలో ప్రతిగుండెనూ తాకాలని ఆశిస్తున్నట్టు ట్వీట్ చేశారు. ‘బేటీ బచావ్ – బేటీ పడావ్’ పిలుపు ఓ స్పష్టమైన మార్పునకు నాంది పలికిందన్నారు. సమాజ దృష్టికోణంలో మార్పు ద్వారా ‘బేటీ బడావ్’ స్ఫూర్తి సాకారం కావాలన్నారు. అక్కడక్కడా ఆడపిల్లల పట్ల జరుగుతున్న హింస, లింగవివక్షకు వ్యతిరేకంగా యువత నడుం బిగించాలని ఆకాంక్షిస్తున్నట్టు తెలిపారు.
Updated Date - 2020-10-11T20:26:04+05:30 IST