చైనా మీద కోపం పెరిగిపోతోంది: ట్రంప్
ABN, First Publish Date - 2020-07-01T15:08:24+05:30
అమెరికాలో కరోనా వైరస్ వ్యాప్తి అంత‌కంత‌కూ పెరుగుతూ ఉండటంతో అమెరికా అధ్యక్షుడు డొనాల్డ్ ట్రంప్‌కు చైనాపై కోపం క‌ట్ట‌లు తెంచుకుంటోంద‌ట.
వాషింగ్ట‌న్‌: అమెరికాలో కరోనా వైరస్ వ్యాప్తి అంత‌కంత‌కూ పెరుగుతూ ఉండటంతో అమెరికా అధ్యక్షుడు డొనాల్డ్ ట్రంప్‌కు చైనాపై కోపం క‌ట్ట‌లు తెంచుకుంటోంద‌ట. ఈ అంటువ్యాధిని పూర్తిగా నియంత్రించే స్థితిలో తాములేమని అమెరికా ఆరోగ్యశాఖ అధికారులు హెచ్చరించారు. ఈనేప‌ధ్యంలో ట్రంప్ ఒక ట్వీట్ చేస్తూ... అమెరికాకు ఈ మహమ్మారి వల్ల కలిగే భారీ నష్టంతో పాటు ప్రపంచవ్యాప్తంగా వ్యాప్తి చెందుతున్న ఈ వ్యాధిని గ‌మ‌నిస్తున్నప్పుడు చైనాపై త‌న‌కు ఎక్క‌డ‌లేని ఆగ్ర‌హం క‌లుగుతున్న‌ద‌ని పేర్కొన్నారు. కరోనా వైరస్ ప్రపంచవ్యాప్తంగా విస్త‌రించడానికి బీజింగ్ కార‌ణ‌మ‌ని ట్రంప్ ఆరోపించారు. కాగా ఇప్ప‌టికే అమెరికా, చైనాల మ‌ధ్య కొనసాగుతున్న వాణిజ్య యుద్ధానికి తోడు ఈ కరోనా పోరాటం ఇరు దేశామ‌ధ్య వైరాన్ని మ‌రింత‌గా పెంచుతోంది. అమెరికాలో కరోనా కేసుల వ్యాప్తి గురించి అక్క‌డి అంటు వ్యాధుల నిపుణుడు డాక్టర్ ఆంథోనీ ఫౌచి మాట్లాడుతూ క‌రోనాను నియంత్రించే స్థితిలో వైద్య‌శాఖ లేద‌ని తేల్చిచెప్పారు. ఈ అంటువ్యాధిని నివారించ‌డంలో విఫ‌ల‌మైతే ప్రతిరోజూ ఒక మిలియన్ కేసులు న‌మోద‌య్యే అవ‌కాశం ఉంద‌ని ఆయన హెచ్చరించారు.
Updated Date - 2020-07-01T15:08:24+05:30 IST