బారాముల్లాలో ఎన్కౌంటర్.. ఓ ఉగ్రవాది హతం
ABN, First Publish Date - 2020-08-22T18:36:55+05:30
కశ్మీర్లోని బారాముల్లా ప్రాంతంలో శనివారం ఎన్కౌంటర్ జరిగింది. ఈ ఎన్కౌంటర్ లో ఓ ఉగ్రవాది
శ్రీనగర్ : కశ్మీర్లోని బారాముల్లా ప్రాంతంలో శనివారం ఎన్కౌంటర్ జరిగింది. ఈ ఎన్కౌంటర్ లో ఓ ఉగ్రవాది హతమయ్యాడు. సలూసా ప్రాంతంలోని క్రీరీలో ఉగ్రవాదులకు, జవాన్లకు మధ్య జరిగిన ఎదురు కాల్పుల్లో ఓ ఉగ్రవాదిని జవాన్లు మట్టుబెట్టారు. 52 రైఫిల్స్, కశ్మీరీ పోలీసులు, సీఆర్పీఎఫ్ జవాన్లు సంయుక్తంగా ఓ ఆపరేషన్ నిర్వహించారు. క్రీరీ ప్రాంతంలో ఉగ్రవాదులున్నారన్న పక్కా సమాచారంతో ఈ ఆపరేషన్ నిర్వహించారు. ఉగ్రవాదుల కోసం జవాన్లు గాలింపు చర్యలను ముమ్మరం చేశారు. ప్రస్తుతం ఈ ఎన్కౌంటర్ ఇంకా కొనసాగుతూనే ఉందని ఆర్మీ వర్గాలు ప్రకటించాయి.
Updated Date - 2020-08-22T18:36:55+05:30 IST