1. • Home » National » Russia to make first topographic 3d map of moon

చందమామ 3డీ మ్యాప్ సిద్ధం చేస్తున్న రష్యా.. ఎందుకంటే?

చందమామపైకి మనుషులను పంపడం ప్రపంచదేశాల కల. దీనికోసం రకరకాల పరిశోధనల జరుగుతున్నాయి.

మాస్కో: చందమామపైకి మనుషులను పంపడం ప్రపంచదేశాల కల. సాధ్యమైనంత త్వరగా చంద్రునిపైకి తమ వ్యోమగాములను పంపాలని ప్రతిదేశమూ ఆరాటపడుతోంది. దీనికోసం రకరకాల పరిశోధనల జరుగుతున్నాయి. అయితే చంద్రుడిపైకి ఎలాగోలా రాకెట్ పంపిస్తే ఎక్కడ ల్యాండ్ చేయాలి? అనేది ఈ పరిశోధనల్లో ప్రతి దేశమూ ఎదుర్కొనే ముఖ్యమైన ప్రశ్న. అయితే ఈ సమస్యకు తాము పరిష్కారం చూపనున్నామని రష్యా ప్రకటించింది. దీనికోసం 3డీలో చందమామ మ్యాప్‌ను తయారు చేస్తున్నట్లు రష్యా అంతరిక్ష పరిశోధనా సంస్థ డైరెక్టర్ అనాటలీ పెట్రుకోవిచ్ ప్రకటించారు. ఈ మ్యాప్‌ దాదాపు చంద్రుని ఉపరితలాన్ని పోలి ఉంటుందని తెలిపారు.  అంటే 3డీలో మినీ చందమామను తయారుచేసేస్తున్నారన్నమాట. దీనివల్ల చంద్రుడిపై అంతరిక్ష నౌకలను ఎక్కడ ల్యాండ్ చేయాలో ఓ అంచనాకు రావొచ్చని ఆయన వెల్లడించారు. స్టీరియో ఇమేజింగ్ పరిజ్ఞానాన్ని ఉపయోగించి ఈ మ్యాప్ సిద్ధం చేస్తున్నట్లు పెట్రుకోవిచ్ చెప్పారు. ఇటువంటి చంద్రుడి మ్యాప్ తయారుచేయడం ఇదే తొలిసారని పేర్కొన్నారు. కాగా, వచ్చే ఏడాది అక్టోబరులో చంద్రుడిపైకి తమ అంతరిక్ష నౌకను పంపాలని రష్యా ప్లాన్ చేసుకున్న విషయం తెలిసిందే.