చౌకగా ‘రెమ్‌డెసివిర్‌’
ABN, First Publish Date - 2020-08-14T07:17:32+05:30
తీవ్రమైన కొవిడ్‌-19 లక్షణాల తో బాధపడుతున్న రోగులకు చికిత్స అందించేందుకు వాడే రెమ్‌డెసివిర్‌ జెనరిక్‌ వెర్షన్‌ను దేశీయ మార్కెట్లోకి విడుదల చేసినట్టు జైడస్‌ కాడిలా గురువారం వెల్లడించింది...
- ఒక్కో వయల్‌ ధర రూ.2,800
న్యూఢిల్లీ, ఆగస్టు 13: తీవ్రమైన కొవిడ్‌-19 లక్షణాల తో బాధపడుతున్న రోగులకు చికిత్స అందించేందుకు వాడే రెమ్‌డెసివిర్‌ జెనరిక్‌ వెర్షన్‌ను దేశీయ మార్కెట్లోకి విడుదల చేసినట్టు జైడస్‌ కాడిలా గురువారం వెల్లడించింది. రెమ్‌డాక్‌ బ్రాండ్‌ పేరుతో తెచ్చిన ఈ ఇంజెక్షన్‌ 100 ఎంజీ వయల్‌ ధర రూ.2,800గా నిర్ణయించింది. దేశీయంగా అత్యంత తక్కువ ధరకు లభిస్తున్న రెమ్‌డెసివిర్‌ ఔషధం ఇదని కంపెనీ తెలిపింది.
కొవిడ్‌-19 రోగులకు చికిత్స అందిస్తున్న ప్రభుత్వ, ప్రైవేటు ఆస్పత్రులకు తమ డిస్ర్టిబ్యూషన్‌ చెయిన్‌ ద్వారా ఈ ఔషధాన్ని అందుబాటులో ఉంచుతామని పేర్కొంది. కాగా, స్వల్ప నుంచి మోస్తరు కొవిడ్‌-19 లక్షణాలున్న రోగులకు వినియోగించే ఫావిపిరావిర్‌ ఔష ధ టాబ్లెట్లను ఎంఎ్‌సఎన్‌ గ్రూప్‌ మార్కెట్లోకి విడుదల చేసింది. ‘ఫావిలో’ బ్రాండ్‌పేరుతో ఇవి అందుబాటులో ఉంటాయి. 200 ఎంజీ సామర్థ్యం కలిగిన ఒక్కో టాబ్లెట్‌ను రూ.33కే అందిస్తున్నట్టు కంపెనీ తెలిపింది. ప్రపంచంలోనే అత్యంత చవకగా ఈ టాబ్లెట్లను అందుబాటులోకి తెచ్చినట్టు పేర్కొంది.
Updated Date - 2020-08-14T07:17:32+05:30 IST