రెడ్జోన్లో లాక్డౌన్ను ఉల్లంఘించడమే కాకుండా పోలీసులపై దాడి
ABN, First Publish Date - 2020-04-29T03:18:44+05:30
పశ్చిమ బెంగాల్లోని హౌరాలో పోలీసులపై లాక్డౌన్ను ఉల్లంఘించిన కొందరు రాళ్లు రువ్వారు. ప్రస్తుతం ఈ ఘటనకు..
హౌరా: పశ్చిమ బెంగాల్లోని హౌరాలో పోలీసులపై లాక్డౌన్ను ఉల్లంఘించిన కొందరు రాళ్లు రువ్వారు. ప్రస్తుతం ఈ ఘటనకు సంబంధించిన వీడియో నెట్లో వైరల్గా మారింది. హౌరా జిల్లాలోని టికియాపరా ప్రాంతం రెడ్జోన్ పరిధిలో ఉంది. దీంతో.. పోలీసులు ఈ ప్రాంతంలో లాక్డౌన్ను మరింత కఠినంగా అమలుపరుస్తున్నారు.
అయితే.. మంగళవారం కొందరు వ్యక్తులు ఈ ప్రాంతంలో ఇళ్లలో నుంచి బయటికొచ్చి లాక్డౌన్ను ఉల్లంఘించారు. ఇళ్లకు వెళ్లిపోవాలని పోలీసులు చెప్పినా వినలేదు. వినకపోగా.. పోలీసులపైనే రాళ్లు రువ్వారు. రెండు పోలీసు వాహనాలను ధ్వంసం చేశారు. ఈ ఘటనలో ఇద్దరు పోలీసులకు గాయాలయ్యాయి. ఈ ఘటనపై పశ్చిమ బెంగాల్ బీజేపీ తీవ్ర ఆగ్రహం వ్యక్తం చేసింది. పోలీసు శాఖ కూడా ఈ ఘటనపై స్పందించింది. ఈ ఘటనకు బాధ్యులైన వారిలో ఏ ఒక్కరిని ఉపేక్షించేంది లేదని, వారిని గుర్తించి కఠిన చర్యలు తీసుకుంటామని ట్వీట్లో స్పష్టం చేసింది.
Updated Date - 2020-04-29T03:18:44+05:30 IST