పొగాకు వాడేవారికి సర్కారీ కొలువు లేనట్లే!
ABN, First Publish Date - 2020-12-05T07:51:32+05:30
అకాడమిక్‌లో ఉత్తమ ప్రతిభ.. నియామక పరీక్షల్లో ముందంజ.. మౌఖిక పరీక్షలో మాటకారి, నేర్పరితనం.. ఇవీ ప్రభుత్వోద్యోగాలకు ప్రమాణాలు. అయితే.. ఝార్ఖండ్‌ రాష్ట్రంలో సర్కారీ కొలువు రావాలంటే...
- ఝార్ఖండ్‌ సర్కారు సంచలన నిర్ణయం
రాంచీ, డిసెంబరు 4: అకాడమిక్‌లో ఉత్తమ ప్రతిభ.. నియామక పరీక్షల్లో ముందంజ.. మౌఖిక పరీక్షలో మాటకారి, నేర్పరితనం.. ఇవీ ప్రభుత్వోద్యోగాలకు ప్రమాణాలు. అయితే.. ఝార్ఖండ్‌ రాష్ట్రంలో సర్కారీ కొలువు రావాలంటే.. ఇకపై అదనంగా మరో అర్హత ఉండాలి. అభ్యర్థులకు ధూమపానం, పొగాకు సేవనం వంటి అలవాట్లు అస్సలు ఉండకూడదు. ఈ మేరకు ఉద్యోగంలో చేరే ముందే.. ‘‘మేము భవిష్యత్‌లో అస్సలు పొగాకు ఉత్పత్తులను వాడబోము’’ అంటూ అఫిడవిట్‌ ఇవ్వాల్సి ఉంటుంది. ప్రస్తుతం వివిధ శాఖ ల్లో పనిచేస్తున్న ప్రభుత్వోద్యోగులు కూడా తాము పొగాకు ఉత్పత్తులను సేవించబోమంటూ ప్రమాణపత్రాలు ఇవ్వాల్సి ఉంటుంది.
Updated Date - 2020-12-05T07:51:32+05:30 IST