ముంబైలో 5,500 దాటిన కరోనా కేసులు... స్కూళ్లలో క్వారంటైన్ సెంటర్లు
ABN, First Publish Date - 2020-04-28T12:50:58+05:30
దేశంలో కరోనా కేసుల సంఖ్య పెరుగుతోంది. కరోనావైరస్ వ్యాప్తిని అరికట్టడానికి మే 3 వరకు దేశవ్యాప్తంగా లాక్డౌన్ అమలుచేస్తున్నారు. దేశంలో ఇప్పటివరకు 850 మందికి పైగా కరోనాతో మరణించారు.
ముంబై: దేశంలో కరోనా కేసుల సంఖ్య పెరుగుతోంది. కరోనావైరస్ వ్యాప్తిని అరికట్టడానికి మే 3 వరకు దేశవ్యాప్తంగా లాక్డౌన్ అమలుచేస్తున్నారు. దేశంలో ఇప్పటివరకు 850 మందికి పైగా కరోనాతో మరణించారు. 28 వేల మంది కరోనా బారిన పడ్డారు. కరోనా హాట్స్పాట్లు ఉన్న ప్రాంతాల్లో లాక్డౌన్ పెంచవచ్చని ముఖ్యమంత్రులతో జరిగిన సమావేశంలో పిఎం మోదీ సూచించారు. మరోవైపు, మహారాష్ట్రలో కరోనా సోకిన వారి సంఖ్య 8 వేలు దాటింది. కేవలం ముంబైలోనే 5500 కు పైగా కేసులు ఉన్నాయి. కరోనా సోకిన వారి సంఖ్య 5500 దాటిన మొట్టమొదటి నగరంగా ముంబై నిలిచింది. పెరుగుతున్న కరోనా ఇన్ఫెక్షన్ల దృష్ట్యా మునిసిపల్ పాఠశాలలను క్వారంటైన్ కేంద్రాలుగా మార్చాలని అధికారులు నిర్ణయించారు. నగరంలోని 1,200 మునిసిపల్ పాఠశాలల్లో కొన్నింటిని క్వారంటైన్ కేంద్రాల కోసం ఉపయోగిస్తామని బృహన్ ముంబై మునిసిపల్ కార్పొరేషన్ (బిఎంసి) అధికారులు తెలిపారు.
Updated Date - 2020-04-28T12:50:58+05:30 IST