నానో కోటెడ్ ఫిల్టర్ ఆవిష్కరణ
ABN, First Publish Date - 2020-07-07T07:27:44+05:30
కరోనాపై ముందుండి పోరాడుతున్న వైద్యుల కోసం ఐఐటీ మద్రాస్ శాస్త్రవేత్తలు నానో-కోటెడ్ ఫిల్టర్ను అభివృద్ధిచేశారు. ఇది గాలిలో మైక్రాన్ల కంటే అతిసూక్ష్మ పరిమాణంలో ఉండే దుమ్ముకణాలను కూడా తొలగించగలదని...
- ఐఐటీ మద్రాస్ శాస్త్రవేత్తల ఘనత
న్యూఢిల్లీ, జూలై 6 : కరోనాపై ముందుండి పోరాడుతున్న వైద్యుల కోసం ఐఐటీ మద్రాస్ శాస్త్రవేత్తలు నానో-కోటెడ్ ఫిల్టర్ను అభివృద్ధిచేశారు. ఇది గాలిలో మైక్రాన్ల కంటే అతిసూక్ష్మ పరిమాణంలో ఉండే దుమ్ముకణాలను కూడా తొలగించగలదని వెల్లడించారు. ఈ ఫిల్టర్ను మాస్క్లో వాడితే వైద్యులకు కచ్చితమైన అదనపు రక్షణ లభిస్తుందని తెలిపారు. శ్వాస సహాయక పరికరాలు, శస్త్రచికిత్స గదుల్లోని ఎయిర్ ప్యూరిఫికేషన్ సిస్టమ్లలోనూ దీన్ని వాడవచ్చన్నారు. రక్షణ పరిశోధన అభివృద్ధి సంస్థ(డీఆర్డీవో) ఆర్థిక సహకారంతో ఈ ఫిల్టర్ను అభివృద్ధి చేసినట్లు ఐఐటీ మద్రాస్ ప్రొఫెసర్ కె.ఆరుల్ ప్రకాశ్ వెల్లడించారు. ప్రస్తుతం దీని పనితీరును క్షేత్ర స్థాయిలో పరిశీలిస్తున్నట్లు పేర్కొన్నారు.
Updated Date - 2020-07-07T07:27:44+05:30 IST