ముంబైకి భారీ వర్ష సూచన
ABN, First Publish Date - 2020-07-04T05:24:54+05:30
భారత వాతావరణ శాఖ కీలక ప్రకటన చేసింది. రాగల 48 గంటల్లో ముంబై నగరంలో...
ముంబై: భారత వాతావరణ శాఖ కీలక ప్రకటన చేసింది. రాగల 48 గంటల్లో ముంబై నగరంలో భారీ నుంచి అతి భారీ వర్షాలు కురిసే అవకాశం ఉందని తెలిపింది. అంతేకాకుండా.. సముద్రం వెంబడి అలలు ఉవ్వెత్తున ఎగసిపడి అల్లకల్లోలంగా మారే అవకాశం ఉందని హెచ్చరించింది. వాతావరణ శాఖ హెచ్చరికతో ముంబై మునిసిపల్ కార్పొరేషన్ అప్రమత్తమైంది.
హెచ్చరికల నేపథ్యంలో సముద్రం వద్దకు వెళ్లరాదని నగర పౌరులకు సూచించింది. అసలే కరోనా మహమ్మారి ముంబైపై పంజా విసరడంతో నగరవాసులు అల్లాడిపోతున్నారు. దీనికి తోడు.. భారీ వర్ష సూచన నగరవాసులను కలవరానికి గురిచేస్తోంది. వర్షాల వల్ల కరోనాతో పాటు సీజనల్ వ్యాధుల భయం కూడా పొంచి ఉంది.
Updated Date - 2020-07-04T05:24:54+05:30 IST