పలు రాష్ట్రాల్లో నేడు, రేపు భారీ వర్షాలు
ABN, First Publish Date - 2020-08-12T15:32:22+05:30
పలు రాష్ట్రాల్లో నేడు, రేపు భారీ వర్షాలు కురుస్తాయని ఢిల్లీలోని కేంద్ర వాతావరణ కేంద్రం బుధవారం హెచ్చరించింది.....
న్యూఢిల్లీ : పలు రాష్ట్రాల్లో నేడు, రేపు భారీ వర్షాలు కురుస్తాయని ఢిల్లీలోని కేంద్ర వాతావరణ కేంద్రం బుధవారం హెచ్చరించింది. ఉత్తరప్రదేశ్, హర్యానా, ఉత్తరాఖండ్ రాష్ట్రాల్లో భారీవర్షాలు కురుస్తాయని వాతావరణశాఖ అధికారులు హెచ్చరించారు. కురుక్షేత్ర, యమునానగర్, షామ్లీ, కర్నాల్, రూర్కీ, ఖాటౌలీ, హస్తినాపూర్, చాంద్ పూర్, నజిబాబాద్, బిజ్నూర్, అమ్రోహ, మొరాదాబాద్, ఆగ్రా, మధుర, ముజఫ్ఫర్ నగర్ ప్రాంతాల్లో ఉరుములు, మెరుపులతో కూడి ఓ మోస్తరు వర్షాలు కురుస్తాయని అధికారులు చెప్పారు. తూర్పు ఢిల్లీ, దక్షిణ ఢిల్లీ, నోయిడా, ఫరీదాబాద్, ఘజియాబాద్ ప్రాంతాల్లో బుధవారం వర్షం కురుస్తోంది. ఆంధ్రప్రదేశ్, తెలంగాణ, జార్ఖండ్, పశ్చిమబెంగాల్, అండమాన్ నికోబార్ దీవుల్లో బుధ, గురువారాల్లో వర్షాలు కురవవచ్చని వాతావరణ కేంద్రం అధికారులు చెప్పారు. జమ్మూకశ్మీర్, హిమాచల్ ప్రదేశ్, ఉత్తరాఖండ్, గుజరాత్, గోవా, మధ్యప్రదేశ్, ఉత్తరప్రదేశ్, బీహార్ ప్రాంతాల్లో వర్షాలు కురవవచ్చని అధికారులు హెచ్చరికలు జారీ చేశారు.
Updated Date - 2020-08-12T15:32:22+05:30 IST