దేశ ఆర్థిక వృద్ధి 5 శాతం పతనం... గోల్డ్‌మ్యాన్ సాచ్స్ అంచనా..
ABN, First Publish Date - 2020-05-19T02:22:27+05:30
2021 ఆర్ధిక సంవత్సరంలో ఇంతకు మునుపెన్నడూ లేని విధంగా భారత ఆర్ధిక వృద్ధి 5 శాతం క్షీణిస్తుందని..
ముంబై: 2021 ఆర్ధిక సంవత్సరంలో ఇంతకు మునుపెన్నడూ లేని విధంగా భారత ఆర్ధిక వ్యవస్థ 5 శాతం క్షీణిస్తుందని అమెరికా బ్రోకరేజ్ సంస్థ గోల్డ్‌మ్యాన్ శాక్స్ అంచనా వేసింది. నిరంతర లాక్‌డౌన్ కారణంగా జనవరి-మార్చి త్రైమాసికంతో పోల్చితే వార్షిక ప్రాతిపదిక జూన్ త్రైమాసికంలో భారత జీడీపీ వృద్ధిరేటు 45 శాతం క్షీణిస్తుందని పేర్కొంది. తర్వాత త్రైమాసికం నుంచి కోలుకునే అవకాశాలు ఉన్నాయని అంచనా వేసింది. కాగా భారత ప్రభుత్వం రూ.20 లక్షల కోట్ల ప్యాకేజీ వంటి ఆర్ధిక ఉద్దీపనలు ప్రకటించినప్పటికీ ప్రస్తుత ఆర్ధిక సంవత్సరంలో భారత ఆర్ధిక వ్యవస్థలో ఒడిదుడుకులు తప్పవని ఎక్కువ శాతం మంది విశ్లేషకులు భావిస్తున్నారు.
Updated Date - 2020-05-19T02:22:27+05:30 IST