ఐదు జిల్లాల్లో 144 సెక్షన్
ABN, First Publish Date - 2020-03-24T18:47:24+05:30
కరోనా వైరస్‌ను నిరోధించేందుకు ప్రభుత్వం తీసుకుంటున్న చర్యల్లో భాగంగా కేరళలోని ఐదు జిల్లాల్లో సెక్షన్ 144 అమల్లోకి తెచ్చారు. కాసర్ గాడ్, కోడికోడ్, వయనాడ్...
తిరువనంతపురం: కరోనా వైరస్‌ను నిరోధించేందుకు ప్రభుత్వం తీసుకుంటున్న చర్యల్లో భాగంగా కేరళలోని ఐదు జిల్లాల్లో సెక్షన్ 144 అమల్లోకి తెచ్చారు. కాసర్ గాడ్, కోడికోడ్, వయనాడ్, మలప్పుపురం, ఎర్నాకులం జిల్లాల్లో ఈ ఆంక్షలు అమల్లోకి వచ్చినట్టు అధికారులు తెలిపారు. ఐదు, అంతకుమించి వ్యక్తులు ఒకచోటు గుమిగూడరాదని, పెద్ద సంఖ్యలో జనం గుమిగూడకుంటా నిరోధించేందుకు ఇతర జిల్లాల్లోనూ నిషేధ ఉత్తర్వులు అమలు చేసే అవకాశం ఉందని అధికారులు తెలిపారు.
కేరళలో ఇంతవరకూ 95 కరోనా పాజిటివ్ కేసులు నమోదు కాగా, కాసర్‌గాడ్ అత్యధిక సంఖ్యలో కేసులు నమోదయ్యాయి. ప్రజలు అకారణంగా ఇళ్లలోంచి బయటకు వస్తే అరెస్టులు కూడా చేయాల్సి వచ్చిందని కాసర్‌గాడ్ జిల్లా కలెక్టర్ హెచ్చరించారు. విదేశాల నుంచి వచ్చిన ప్రవాసభారతీయులు అధికారులకు సహకరించకున్నా, హోం క్వారంటైన్‌ను చర్యలను ఉల్లంఘించినా వారి పాస్‌పోర్టులు సీజ్ చేస్తామని ఆయన చెప్పారు.
Updated Date - 2020-03-24T18:47:24+05:30 IST