వైట్ హౌస్ బయట కాల్పులు... పరిస్థితి అదుపులో ఉందన్న ట్రంప్!
ABN, First Publish Date - 2020-08-11T11:13:22+05:30
అమెరికాలోని వైట్ హౌస్ వెలుపల కాల్పులు చోటుచేసుకున్న సంఘటన జరిగింది. అమెరికా అధ్యక్షుడు డొనాల్డ్ ట్రంప్ ఈ విషయాన్ని స్వయంగా తెలిపారు. అయితే ఇప్పుడు పరిస్థితి అదుపులోనే ఉందని, యూఎస్ సీక్రెట్...
వాషింగ్టన్: అమెరికాలోని వైట్ హౌస్ వెలుపల కాల్పులు చోటుచేసుకున్నాయి. ఈ విషయాన్ని అమెరికా అధ్యక్షుడు డొనాల్డ్ ట్రంప్ స్వయంగా తెలిపారు. అయితే ఇప్పుడు పరిస్థితి అదుపులోనే ఉందని, యూఎస్ సీక్రెట్ సర్వీస్ అధికారులు వెంటనే అప్రమత్తమై చర్యలు చేపట్టారన్నారు. కాల్పులకు పాల్పడిన వ్యక్తి ఎదురు కాల్పులలో గాయపడగా, అతనిని ఆసుపత్రికి తరలించారని తెలిపారు. ఈ ఉదంతంలో వెంటనే అప్రమత్తమైన సీక్రెట్ సర్వీస్ అధికారులకు ట్రంప్ కృతజ్ఞతలు తెలిపారు. కాల్పుల సంఘటనను యూఎస్ సీక్రెట్ సర్వీస్ ధృవీకరించింది.
Updated Date - 2020-08-11T11:13:22+05:30 IST