ఢిల్లీ ఎయిర్పోర్టులో నెగిటివ్... స్వస్థలానికి రాగానే కరోనా పాజిటివ్!
ABN, First Publish Date - 2020-03-16T17:10:51+05:30
దేశంలో కరోనా వైరస్ పాజిటివ్ కేసులు అంతకంతకూ పెరుగుతున్నాయి. తాజాగా ఒడిశాలో ఒక పాజిటివ్ కేసు నమోదయ్యింది. ఇటలీ నుంచి ఒడిశాకు తిరిగి వచ్చిన ఒక యువకునికి వైద్య పరీక్షలు నిర్వహించగా, కరోనా పాజిటివ్ అని తేలింది. దీంతో వెంటనే...
న్యూఢిల్లీ: దేశంలో కరోనా వైరస్ పాజిటివ్ కేసులు అంతకంతకూ పెరుగుతున్నాయి. తాజాగా ఒడిశాలో ఒక పాజిటివ్ కేసు నమోదయ్యింది. ఇటలీ నుంచి ఒడిశాకు తిరిగి వచ్చిన ఒక యువకునికి వైద్య పరీక్షలు నిర్వహించగా, కరోనా పాజిటివ్ అని తేలింది. దీంతో వెంటనే ఆ యువకుడిని భువనేశ్వర్లోని ఆసుపత్రికి తరలించారు. మీడియాకు అందిన సమాచారం ప్రకారం ఇటలీ నుంచి భారత్కు వచ్చిన ఆ యువకుడిని వైద్యుల పర్యవేక్షణలో కొద్ది రోజులు ఉంచారు. అతనిలో కరోనా వైరస్ లక్షణాలేమీ కనిపించలేదు. దీంతో అతనిని... అతని స్వస్థలమైన భువనేశ్వర్కు పంపించివేశారు. ఈ నేపధ్యంలో ఆ యువకుడు రైలులో ఈ నెల 12న భువనేశ్వర్ చేరుకున్నాడు. 14న ఆ యువకుడు మరోమారు వైద్య పరీక్షలకు వెళ్లగా, మెడికల్ రిపోర్టులో కరోనా పాజిటివ్ అని వెల్లడయ్యింది. దీంతో ఒడిశా రాష్ట్ర వైద్య ఆరోగ్యశాఖ అప్రమత్తమయ్యింది. ఆ యువకుడు ఇటీవల ఎవరెవరిని కలిశాడనే వివరాలతో పాటు అతడు తిరిగిన ప్రాంతాల గురించిన సమాచారాన్ని అధికారులు సేకరిస్తున్నారు.
Updated Date - 2020-03-16T17:10:51+05:30 IST