బాల నేరస్థుల వయోపరిమితిని తగ్గించిన చైనా
ABN, First Publish Date - 2020-12-28T08:46:10+05:30
బాల నేరస్థుల వయోపరిమితి విషయంలో చైనా కఠిన వైఖరి తీసుకుంది. వాళ్ల వయోపరిమితిని 14 ఏళ్ల నుంచి 12 ఏళ్లకు కుదిస్తూ చట్టం చేసింది. ఉద్దేశపూర్వకంగా చేసే హత్య, తీవ్రంగా గాయపర్చడం, వైకల్యం వచ్చేలా దాడికి పాల్పడడం లాంటి తీవ్రమైన నేరాల్లోనే...
- తీవ్రమైన నేరాల్లో 14 నుంచి 12కు కుదింపు
బీజింగ్‌, డిసెంబరు 27: బాల నేరస్థుల వయోపరిమితి విషయంలో చైనా కఠిన వైఖరి తీసుకుంది. వాళ్ల వయోపరిమితిని 14 ఏళ్ల నుంచి 12 ఏళ్లకు కుదిస్తూ చట్టం చేసింది. ఉద్దేశపూర్వకంగా చేసే హత్య, తీవ్రంగా గాయపర్చడం, వైకల్యం వచ్చేలా దాడికి పాల్పడడం లాంటి తీవ్రమైన నేరాల్లోనే ఇది వర్తిస్తుందని చట్టంలో పేర్కొం ది. చిన్నారుల్లో నేర స్వభావాన్ని తగ్గించేందుకే ఈ నిర్ణయమని తెలిపింది. ఈ చట్టానికి శనివారమే ఆమోదముద్ర పడింది. వచ్చే ఏడు మార్చి నుంచి అమల్లోకి తేవాలని భావిస్తోంది. ప్రస్తుతం చైనాలో 16ఏళ్ల లోపు నేరం చేసిన వాళ్లను బాల నేరస్థులుగా గుర్తిస్తున్నారు. ఇందులో.. 14 ఏళ్ల పైబడ్డవారు హత్య, అత్యాచారం, దోపిడీ లాంటి తీవ్ర నేరాలకు పాల్పడితే.. వారిని బాల నేరస్థులుగా గుర్తించరు.
Updated Date - 2020-12-28T08:46:10+05:30 IST