1. • Home » National » BJP Wants Farmers As Slaves

రైతులను బానిసలుగా చూడాలనుకుంటున్నారు : డీకే శివకుమార్

కర్నాటక అసెంబ్లీలో గలాటా జరిగింది. కేంద్రం తీసుకొచ్చిన వ్యవసాయ బిల్లులను నిరసిస్తూ అసెంబ్లీ నుంచి

బెంగళూరు : కర్నాటక అసెంబ్లీలో గలాటా జరిగింది. కేంద్రం తీసుకొచ్చిన వ్యవసాయ బిల్లులను నిరసిస్తూ అసెంబ్లీ నుంచి వాకౌట్ చేసింది. బిల్లు ప్రతులను చించేస్తూ నినాదాలు చేస్తూ అసెంబ్లీ నుంచి కాంగ్రెస్ సభ్యులు వాకౌట్ చేశారు. పీసీసీ అధ్యక్షుడు డీకే శివకుమార్ మాట్లాడుతూ... వ్యవసాయ బిల్లులను తీవ్రంగా వ్యతిరేకిస్తున్నామని ప్రకటించారు. రైతులను బానిసలుగా మార్చడానికే కేంద్రం ఈ బిల్లులను తెచ్చిందని ఆరోపించారు.

‘‘రైతుల భూములను తీసుకున్నారు. కేంద్రం తెచ్చిన సవరణలు బాగోలేవు. రైతుల నుంచి భూములు తీసుకోడానికి సవరణలు చేశారు. రైతులను బానిసలు చేయాలని అనుకుంటున్నారు. అందుకే ఈ బిల్లులను వ్యతిరేకిస్తున్నాం’’ అని డీకే శివకుమార్ ప్రకటించారు. ఈ బిల్లులపై గవర్నర్ సంతకం చేయకూడదని ఆయన డిమాండ్ చేశారు. రైతుల కోసం కాంగ్రెస్ పక్షాన పోరాడుతున్నామని, ఎల్లప్పుడూ వారి వెంటే ఉంటామని ఆయన స్పష్టం చేశారు.

కేవలం రెండు శాతం భూమే తీసుకుంటున్నాం : సీఎం యడియూరప్ప

కాంగ్రెస్ చేసిన ఆరోపణలపై ముఖ్యమంత్రి యడియూరప్ప స్పందించారు. ‘‘కేవలం రెండు శాతం భూమినే పరిశ్రమల కోసం తీసుకుంటాం అని మళ్లీ మళ్లీ చెబుతున్నా. సాగు భూములను రైతులు సాగుకే వాడుకోవచ్చు. అదో నిబంధన. రైతులకు ఎలాంటి ఇ్బంది లేదు. రైతులను తప్పుదోవ పట్టిస్తున్నారు’’ అని సీఎం యడియూరప్ప తెలిపారు.