అమెజాన్ సాంకేతికత వినియోగించకుండా పోలీసులపై నిషేధం
ABN, First Publish Date - 2020-06-12T05:48:36+05:30
వ్యక్తుల ముఖకవళికల ద్వారా వ్యక్తిగత వివరాలను కనిపెట్టే అమెజాన్ ఫేషియల్ రికగ్నిషన్ టెక్నాలజీని పోలీసులు వినియోగించరాదంటూ అమెజాన్ యాజమాన్యం తాజాగా ఆదేశాలు జారీ చేసింది.
వాషింగ్టన్: వ్యక్తుల ముఖకవళికల ద్వారా వ్యక్తిగత వివరాలను కనిపెట్టే అమెజాన్ ఫేషియల్ రికగ్నిషన్ టెక్నాలజీని పోలీసులు వినియోగించరాదంటూ అమెజాన్ యాజమాన్యం తాజాగా ఆదేశాలు జారీ చేసింది. ఏడాది పాటూ ఈ నిషేధం కొనసాగనున్నట్టు సమాచారం. ఈ విషయంలో ప్రభుత్వాలు తగు నిర్ణయాలు తీసుకుని కఠినమైన చట్టాలను రూపొందించాలని ఈ సందర్భంగా అమెజాన్ సంస్థ ఆశా భావం వ్యక్తం చేసింది. అమెరికా చట్టసభలు ఈ దిశగా సరైన నిర్ణయం తీసుకుంటాయని ఆశిస్తున్నామని తెలిపింది. సరైన చట్టాలను రూపొందించే క్రమంలో ఉన్న అమెరికా కాంగ్రెస్‌కు అమెజాన్ నిషేధం లాభిస్తుందని తెలిపింది. ఫెషియల్ రికగ్నిషన్ టెక్నాలజీ వ్యక్తిగత గోప్యతకు భంగకరమన్న వాదనల నేపథ్యంలో అమెజాన్ ఈ నిర్ణయం తీసుకుంది.
Updated Date - 2020-06-12T05:48:36+05:30 IST