బుజ్జమ్మగా స్పానిష్ ఫ్లూను జయించి..
ABN, First Publish Date - 2020-04-26T05:50:45+05:30
మృత్యువుకు ఆమెంటే వణుకేమో! స్పెయిన్కు చెందిన ఆనా డేల్ వెల్లే 1913 అక్టోబరులో జన్మించింది. వందేళ్ల క్రితం 1918-1920 మధ్య ప్రపంచ వ్యాప్తంగా 5కోట్ల మందిని పొట్టనబెట్టుకున్న స్పానిష్ ఫ్లూ...
- తాతమ్మగా కరోనా అంతుచూసి..
- స్పెయిన్కు చెందిన 107 ఏళ్ల వృద్ధురాలి గాథ
మాడ్రిడ్, ఏప్రిల్ 25: మృత్యువుకు ఆమెంటే వణుకేమో! స్పెయిన్కు చెందిన ఆనా డేల్ వెల్లే 1913 అక్టోబరులో జన్మించింది. వందేళ్ల క్రితం 1918-1920 మధ్య ప్రపంచ వ్యాప్తంగా 5కోట్ల మందిని పొట్టనబెట్టుకున్న స్పానిష్ ఫ్లూ బారినపడి కోలుకున్న ఆమెకు అప్పుడు ఆరేళ్లు. ఇప్పుడు 107ఏళ్ల వయసులో కరోనా వైర్సకు గురై ఆ మహమ్మారి నుంచి బయటపడింది. వృద్ధులకు ఈ వైరస్ మరింత ప్రమాదకరం అన్న నిపుణుల హెచ్చరికలను సవాలు చేస్తున్నట్లుగా ఓ రెండు ఆస్పత్రుల్లో చికిత్స పొంది మహమ్మారి నుంచి పూర్తిగా కోలుకుంది. కరోనాను జయించిన అత్యధిక వయస్కురాలు నువ్వే తాతమ్మా అంటూ ఆనందబాష్పాల మధ్య మనుమలు, మనుమరాళ్లు చెబుతుంటే బోసినవ్వులు చిందించింది!!
Updated Date - 2020-04-26T05:50:45+05:30 IST