నిద్రలో మాట్లాడుతున్నారా? ఎందుకలా అంటే..
ABN, First Publish Date - 2020-03-10T20:05:44+05:30
కొందరికి నిద్రలో మాట్లాడే అలవాటు ఉంటుంది. ఈ తత్వానికి ‘సామ్నిలోఖి’ అని పేరు. అయితే, నిద్రలో మాట్లాడే వారి మాటలు చాలా వరకు నిజజీవితంతో సంబంధమే
ఆంధ్రజ్యోతి(10-03-2020)
కొందరికి నిద్రలో మాట్లాడే అలవాటు ఉంటుంది. ఈ తత్వానికి ‘సామ్నిలోఖి’ అని పేరు. అయితే, నిద్రలో మాట్లాడే వారి మాటలు చాలా వరకు నిజజీవితంతో సంబంధమే లేనట్లు అనిపిస్తాయి. అలా అనిపించడానికి అంతకుముందెప్పుడూ ఎవరితోనూ అలా మాట్లాడి ఉండకపోవడమే కారణం కావచ్చు. కొన్నిసార్లు ఆ మాటల్లో జీవితంలోని కఠోర సత్యాలు బయటపడిపోతుంటాయి. తమాషా ఏమిటంటే, నిద్రలో మాటలను వారు మేలుకున్న తర్వాత ప్రస్తావిస్తే, నేనలా మాట్లాడనేలేదంటూ కొట్టి పారేస్తారు. నిజానికి ఇది ఒక రకం పారసామ్నియా.
నిద్రలోని వివిధ దశల్లో తలెత్తే ఒక రకమైన రుగ్మత. ఇది కొందరిలో వారసత్వంగా సంక్రమించవచ్చు. లేదంటే ఏదైనా మానసిక రుగ్మతకు సంబంధించిన సమస్య కావచ్చు. మామూలుగా అయితే ఇది మానసిక ఒత్తిళ్ల ఫలితంగా వస్తుంది. అనవసరమైన మందుల్ని అదేపనిగా వాడిన ఫలితమూ కావచ్చు. మద్యం, మాదక ద్రవ్యాల పరిణామం కావచ్చు. కొందరిలో దీర్ఘకాలిక నిద్రలేమి సమస్య వల్ల కూడా ఈ సమస్య మొదలవుతుంది. నిద్రలో మాట్లాడేందుకు కారణంగా మనలో కనిపిస్తున్న లక్షణాలేమిటో ముందు పసికట్టాలి. ఆ తర్వాత అందుకు అవసరమైన వైద్య చికిత్సలు కూడా తీసుకోవాలి.
Updated Date - 2020-03-10T20:05:44+05:30 IST