చర్మ సంరక్షణ సీజన్‌కు తగ్గట్టుగా...
ABN, First Publish Date - 2020-10-22T19:17:57+05:30
సీజన్‌తో పాటు చర్మసంరక్షణలో మార్పులు చేసుకోవడం చాలా అవసరం. వాతావరణంలో మార్పులు చర్మం మీద ప్రభావం చూపుతాయి. ఈ సీజన్‌లో అందాన్ని కాపాడుకునేందుకు ఏం చేయాలంటే...
ఆంధ్రజ్యోతి(22-10-2020)
సీజన్‌తో పాటు చర్మసంరక్షణలో మార్పులు చేసుకోవడం చాలా అవసరం. వాతావరణంలో మార్పులు చర్మం మీద ప్రభావం చూపుతాయి. ఈ సీజన్‌లో అందాన్ని కాపాడుకునేందుకు ఏం చేయాలంటే...
ఒక టీస్పూన్‌ చొప్పున కాఫీ పొడి, కొబ్బరినూనె, సగం టీస్పూన్‌ బియ్యప్పిండి తీసుకొని ఫేస్‌ప్యాక్‌ తయారుచేసుకోవాలి. ఈ ఫ్యాక్‌ను ముఖం, మెడ చుట్టూ వేళ్లతో మర్దనా చేసినట్టు రాసుకోవాలి.
పది నిమిషాల తరువాత వేడినీళ్లతో శుభ్రం చేసుకోవాలి. ఈ ఫేస్‌ప్యాక్‌ మృతకణాలను తొలగించి, చర్మానికి తాజాదనాన్ని, బిగుతుగుణాన్ని ఇస్తుంది. కొబ్బరినూనెలోని ఫ్యాటీఆమ్లాలు చర్మానికి తేమను అందిస్తాయి.
కాఫీపొడిలోని యాంటీ ఆక్సిడెంట్లు చర్మాన్ని యవ్వనంగా ఉంచుతాయి. బియ్యప్పిండి చర్మానికి గట్టిదనాన్ని ఇస్తుంది. వారం రోజులు ఇలాచేస్తే చర్మం కాంతిమంతంగా మారుతుంది.
Updated Date - 2020-10-22T19:17:57+05:30 IST