పోస్టు మేన్‌
ABN, First Publish Date - 2020-05-04T06:22:41+05:30
ఎందుకమ్మా నీవు దిగులుగా ఉన్నావు? నేలపయి గోడకు చేరబడ్డావు చల్లగా జల్లు నీమీద పడుతోంది నీ చీర దాదాపు తడిసిపోయింది జేగంట నాలుగు సార్లు మ్రోగింది...
ఎందుకమ్మా నీవు దిగులుగా ఉన్నావు?
నేలపయి గోడకు చేరబడ్డావు
చల్లగా జల్లు నీమీద పడుతోంది
నీ చీర దాదాపు తడిసిపోయింది
జేగంట నాలుగు సార్లు మ్రోగింది
బడినుండి అన్నయ్య ఇంటికొస్తాడు
నీకివన్నీ ఎందుకు గుర్తులేవమ్మా?
నాన్న వ్రాసిన లేఖ అందుకోలేదా?
పోస్టుమేన్‌ ఉత్తరాలు చాలా తెచ్చాడు
ఊళ్ళో అందరికీ పంచిపెట్టాడు
నాన్నారి ఉత్తరం దాచుకొన్నాడా?
పోస్టుమేన్‌ చాలా చెడ్డవాడమ్మా?
అయినా నీకు దిగులెందుకమ్మా
కలం, కాగితం తెప్పించమ్మా
నాన్నారి ఉత్తరం నేనే వ్రాస్తాను
గీతమీదే గీత గురుతుగా వ్రాస్తాను
ఉత్తరం స్వయముగా తీసికొస్తాను
చదవటంలో నీకు సాయపడుతాను
పోస్టుమేనును నేను నమ్మలేనమ్మా
నా మంచి ఉత్తరం నీకివ్వడమ్మా
రవీంద్రనాథ్‌ ఠాగూర్‌
అనుసృజన: జె. భాగ్యలక్ష్మి
Updated Date - 2020-05-04T06:22:41+05:30 IST