చివరి గుడిసె
ABN, First Publish Date - 2020-09-14T10:28:10+05:30
చివరి గుడిసె
రాత్రి ఒడిలో
ఎరుకలి గుడిసె చుక్కల్ని లెక్కిస్తోంది
గాలిని కూర్చోబెట్టుకుని
నులక మంచంపై మట్టి గొంతు
అగ్గి ముట్టించి పదమై రాలుతోంది
మేత మేస్తూ పందులు
పరిచయమైన పాటకు
గుర్‌ గుర్మంటూ వంతం పలుకుతున్నాయి
తత్వాన్ని తలకెక్కించుకున్న బొల్లి మచ్చల కుక్క
కుశాలుగా తోకనాడిస్తోంది
ఎన్నెట్లో చెరువు
కొత్త బట్టలు తొడుక్కున్న పండుగలా ఉంది
గుడిసెలోంచి అమ్మి
తుమ్మెదలా ఎగురుతా వచ్చి
చెరువెదుట నిల్చుని
ఆడుకోవడానికి చేపల్ని పిలిచింది
నీటి పాపలతో
కలువ పాప ఆటను చూసి
ముచ్చటతో సందమామ
నేనూ రానా అంది
పొట్టి గౌను మెత్తని నవ్వుతో
రెండు చేతులు సాచింది
ఎలా రానూ? అని సందమామ బిక్కముఖమేసింది
చిట్టి చేతులు
కాగితం పడవను చేసి
నీళ్ళల్లోకి వదిలింది
ఆ రాత్రి చివరి గుడిసె
ఎన్నెట్లో ఎలిగింది.
ుఽ తెలుగు వెంకటేష్‌
99853 25362
Updated Date - 2020-09-14T10:28:10+05:30 IST