యాడున్నవో బిడ్డా...
ABN, First Publish Date - 2020-05-09T06:17:47+05:30
ఇంట్ల కొయ్యకు యాలడుతున్న నీ పాత అంగీ యాది చేస్తున్నది...
ఇంట్ల కొయ్యకు
యాలడుతున్న
నీ పాత అంగీ
యాది చేస్తున్నది
ఆకిట్ల మూలకు
పడ్డ శినిగిన
శెప్పులు నీ కాళ్లను
సుడాలంటున్నాయి
వంకగ
పెరుగుతుందని
కొమ్మలు కొట్టేసిన
చెట్టు ఉయ్యాల
కట్టుకొని ఎదురుచూస్తున్నది
పచ్చికారం
ఏసుకొని తినే గిన్నె
నీ కోసం మెతుకులు
కలుపుకొని కూసున్నది
అంబలి
తాగిన శెమ్బు
గోడ మీద
పెట్టిన యాపపుల్ల
మళ్లా ముట్టుతవేమోనని
చూస్తున్నై
దొడ్ల కట్టేసిన ఎద్దు
కంట్ల నీళ్లు నింపుకొని
పట్నం దిక్కు చూస్తున్నది
చిన్నప్పుడు నీతో
గోటిలాట ఆడిన దోస్తులు
నిన్నడిగి పోతుండ్రు
ఎంత దూరం
నడిసినవో గాని
జరంత జల్ది రా బిడ్డా
నడిసి నడిసి
పగిలిపోయిన నీ కాళ్లకు
మలాం పెట్టాలె
– ఖాజ అఫ్రిదీ
Updated Date - 2020-05-09T06:17:47+05:30 IST