కవచకుండలాలు
ABN, First Publish Date - 2020-10-07T06:03:01+05:30
వాళ్ళ నాయనమ్మ వల్చుకుంది వాళ్ళ నాన్న కూడా వల్చుకుండు వాళ్ళమ్మకు సహజంగానే అవి లేవు...
వాళ్ళ నాయనమ్మ వల్చుకుంది
వాళ్ళ నాన్న కూడా వల్చుకుండు
వాళ్ళమ్మకు సహజంగానే అవి లేవు
వాళ్ళు అవి లేకుండానే పుట్టారు
వాళ్ళది 4జి
అందుకే వాళ్ళు
మిగిలిన మాంసపు ముద్దలను
హత్తుకోగలిగారు
మోకరిల్లగలిగారు
తోలు ఎంత తెల్లదైనా
వాళ్లకు ఎన్ని మచ్చలున్నా
ఎన్ని మరకలున్నా
కవచకుండలాలు లేనివాళ్ళు కదా
ఆ స్పర్శ చాలు
వాళ్ళు హత్తుకున్నది.. ఒకరినో ఇద్దరినో కాదు
ఆసేతుహిమాచలపర్యంతం
చెమట రక్తం కన్నీళ్లతో ప్రవహిస్తూ,
కవచకుండలాల
విషపువిసర్జనాల కలుషితమైన
ఈ దేశపు జీవనగంగను!
ఇప్పుడు పుట్టాల్సింది కవచకుండలాలు లేనివాళ్లే
ఇప్పుడు ఉండాల్సింది
కవచకుండలాలు వలుచుకుని వచ్చే మనుషులే.
‘మట్టిమనిషి’ వేనేపల్లి పాండురంగారావు
Updated Date - 2020-10-07T06:03:01+05:30 IST