ఎల్ఐసీ కొత్త ప్రీమియం
ABN, First Publish Date - 2020-04-28T05:38:04+05:30
జీవిత బీమా రంగంలో ప్రభుత్వ రంగ బీమా సంస్థ ఎల్ఐసీ హవా కొనసాగుతోంది. మార్చితో ముగిసిన 2019-20 ఆర్థిక సంవత్సరంలో ఎల్ఐసీ... కొత్త బిజినెస్ ప్రీమియంలో ఏకంగా 25.2 శాతం వృద్ధిని నమోదు...
- వ్యాపారంలో 25 శాతం వృద్ధి
ముంబై: జీవిత బీమా రంగంలో ప్రభుత్వ రంగ బీమా సంస్థ ఎల్ఐసీ హవా కొనసాగుతోంది. మార్చితో ముగిసిన 2019-20 ఆర్థిక సంవత్సరంలో ఎల్ఐసీ... కొత్త బిజినెస్ ప్రీమియంలో ఏకంగా 25.2 శాతం వృద్ధిని నమోదు చేసింది. గడచిన ఆర్థిక సంవత్సరంలో సంస్థ 2.19 కోట్ల కొత్త పాలసీలను విక్రయించటం ద్వారా రూ.51,227 కోట్ల తొలి ఏడాది ప్రీమియంను సాధించింది. గడచిన ఆరేళ్లలో ఎల్ఐసీ ఈ స్థాయిలో పాలసీలను విక్రయించటం ఇదే తొలిసారి కావటం విశేషం. మరోవైపు ఎల్ఐసీ మార్కెట్ వాటా 1.2 శాతం మేర పెంచుకుంది. ఈ ఏడాది మార్చి చివరి నాటికి ఎల్ఐసీ మార్కెట్ వాటా పరంగా పాలసీల్లో 75.90 శాతం, ప్రీమియం ఆదాయంలో 68.74 శాతం వృద్ధిని సాధించింది. కాగా 2019-20లో ప్రైవేట్ బీమా కంపెనీల కొత్త బిజినెస్ ప్రీమియం వృద్ధి రేటు 11.64 శాతంగా నమోదైంది.
Updated Date - 2020-04-28T05:38:04+05:30 IST