భారీగా తగ్గిన బంగారం ధరలు
ABN, First Publish Date - 2020-07-03T00:15:54+05:30
డాలర్‌తో పోల్చితే రూపాయి విలువ పుంజుకోవడంతో ఇవాళ బంగారం ధరలు భారీగా దిగివచ్చాయి. దేశ రాజధాని ఢిల్లీలో
న్యూఢిల్లీ: డాలర్‌తో పోల్చితే రూపాయి విలువ పుంజుకోవడంతో ఇవాళ బంగారం ధరలు భారీగా దిగివచ్చాయి. దేశ రాజధాని ఢిల్లీలో 10 గ్రాముల బంగారం ధర రూ.488 తగ్గింది. గురువారం ట్రేడింగ్ ముగిసే సమయానికి 10 గ్రాముల మేలిమి బంగారం రూ. 49,135గా నమోదైనట్టు హెచ్‌డీఎఫ్‌సీ సెక్యురిటీస్ వెల్లడించింది. మరోవైపు వెండి ధరలు కూడా రూ.1,168 మేర తగ్గడంతో.. ఇవాళ కిలో వెండి రూ.50,326 కు చేరింది. ఇంతకు ముందు వెండి రూ.51,494 వద్ద క్లోజ్ అయ్యింది. కాగా డాలర్‌తో రూపాయి మారకం విలువ ఇవాళ 56 పైసలు బలపడి 75.04 వద్ద స్థిరపడినట్టు హెచ్‌డీఎఫ్‌సీ సెక్యురిటీస్ సీనియర్ ఎనలిస్టు (కమోడిటీస్) తపన్ పటేల్ మీడియాకు వెల్లడించారు. అంతర్జాతీయ మార్కెట్లో ఔన్సు బంగారం ధర 1,769.4 డాలర్లు, వెండి ధర 17.90 డాలర్ల వద్ద ట్రేడ్ అవుతోంది.
Updated Date - 2020-07-03T00:15:54+05:30 IST