మరో నలుగురు టొయోటా ఉద్యోగులకు కరోనా
ABN, First Publish Date - 2020-07-12T02:05:14+05:30
కర్ణాటకలోని బిదడిలో ఉన్న టొయోటా కర్లోస్కర్ మోటార్ (టీకేఎం) మాన్యుఫ్యాక్చరింగ్ యూనిట్‌లో మరో నలుగురు
బెంగళూరు: కర్ణాటకలోని బిదడిలో ఉన్న టొయోటా కిర్లోస్కర్ మోటార్ (టీకేఎం) మాన్యుఫ్యాక్చరింగ్ యూనిట్‌లో మరో నలుగురు ఉద్యోగులు కరోనా బారినపడ్డారు. ఫలితంగా ఈ ప్లాంట్‌లో కరోనా బారినపడిన ఉద్యోగుల సంఖ్య 18కి పెరిగింది. ఇటీవల 14 మంది ఉద్యోగులు ఈ మహమ్మారి బారినపడ్డారు. తాజాగా కరోనా బారినపడి ఉద్యోగులు చివరిసారి గత నెల 29, ఈ నెల 2, 3 తేదీలలో విధులకు హాజరైనట్టు టీకేఎం తెలిపింది. ప్రభుత్వ మార్గదర్శకాల ప్రకారం కరోనా బాధితుల ప్రైమరీ, సెంకడరీ కాంటాక్టులను క్వారంటైన్ చేసినట్టు పేర్కొంది. బాధిత ఉద్యోగుల చికిత్స సమయంలో వారికి పూర్తి అండగా ఉంటామని హామీ ఇచ్చింది.
Updated Date - 2020-07-12T02:05:14+05:30 IST