బీఎస్ఎన్ఎల్ నయా ఆఫర్.. రీచార్జ్ చేస్తే నాలుగు శాతం తక్షణ డిస్కౌంట్!
ABN, First Publish Date - 2020-07-05T01:45:12+05:30
ప్రభుత్వ రంగ టెలికం సంస్థ బీఎస్ఎన్ఎల్ 4శాతం తక్షణ రాయితీ ప్రమోషనల్ ఆఫర్‌ను తిరిగి తీసుకొచ్చింది. ఈ ఆఫర్ మై
న్యూఢిల్లీ: ప్రభుత్వ రంగ టెలికం సంస్థ బీఎస్ఎన్ఎల్ 4శాతం తక్షణ రాయితీ ప్రమోషనల్ ఆఫర్‌ను తిరిగి తీసుకొచ్చింది. ఈ ఆఫర్ మై బీఎస్ఎన్ఎల్ యాప్ యూజర్లకు మాత్రమే వర్తిస్తుంది. బీఎస్ఎన్ఎల్ ఇతర ఖాతాదారుల ప్రీపెయిడ్ ఖాతాను ఈ యాప్ ద్వారా చేసినప్పుడు 4 శాతం తక్షణ రాయితీ లభిస్తుంది. సెప్టెంబరు 30 వరకు ఈ ఆఫర్ అందుబాటులో ఉంటుంది. ఈ ఆఫర్‌ను తొలుత ఏప్రిల్‌లో ప్రవేశపెట్టింది. మే 31తో ముగిసింది. అయితే ఈసారి మాత్రం మూడు నెలలపాటు అందుబాటులో ఉండనున్నట్టు కర్ణాటక బీఎస్ఎన్ఎల్ తెలిపింది. అయితే, యూజర్ తన నంబరుకు రీచార్జ్ చేసుకుంటే మాత్రం ఈ ఆఫర్ వర్తించదు. వేరే వారి మొబైల్ నంబర్లను రీచార్జ్ చేసినప్పుడు మాత్రమే 4శాతం తక్షణ రాయితీ లభిస్తుంది. ఎయిర్‌టెల్, జియో, వొడాఫోన్ ఐడియాలు కూడా ఇలాంటి ఆఫర్‌ను ప్రకటించిన నేపథ్యంలో బీఎస్ఎన్ఎల్ కూడా తక్షణ రాయితీ ఆఫర్‌ను తెరపైకి తీసుకొచ్చింది.
Updated Date - 2020-07-05T01:45:12+05:30 IST