కోటవురట్ల స్టేషన్‌లో కాసేపు సందడి
ABN, First Publish Date - 2020-11-21T05:40:32+05:30
కోటవురట్ల పోలీసు స్టేషన్‌ సిబ్బంది కాసేపు అవాక్కయ్యారు.
గంటపాటు సరదాగా ఎస్‌ఐ బాధ్యతలు చేపట్టిన బాలిక
బాలికల దినోత్సవం సందర్భంగా గొప్పమనసు చాటిన ఎస్‌ఐ
కోటవురట్ల, నవంబరు 20 : కోటవురట్ల పోలీసు స్టేషన్‌ సిబ్బంది కాసేపు అవాక్కయ్యారు. ఉదయం విధులకు హాజరయ్యే సమయానికి ఎస్‌ఐ సురేశ్‌కుమార్‌ ఆ సీట్లో ఉన్నారు. సరిగ్గా 10 గంటల సమయంలో చూసే సరికి ఓ మహిళా అధికారి ఆ కుర్చీలో ఆశీనులయ్యారు. ఇంత లోనే ఏం జరిగిందంటూ.. ఆరా తీసే పనిలో పడ్డారు. ఆ తరువాత అసలు విషయం తెలుసుకుని సంబరపడ్డారు. ఇందుకు సంబంధించి విరాలివి. సీఫా స్వచ్ఛంద సంస్థ ఆధ్వర్యంలో శుక్రవారం కోటవురట్ల పోలీసు స్టేషన్‌లో ప్రపంచ బాలికల దినోత్సవాన్ని నిర్వహించారు. ఈ సం దర్భంగా అనంతలక్ష్మి అనే ఓ బాలిక చురుకుదనాన్ని చూసి ఎస్‌ఐ సురేశ్‌కుమార్‌ ఉప్పొంగిపోయారు. అంతేకాకుండా ఆమెకు ఒక గంటపాటు సరదాగా ఎస్‌ఐ బాధ్యతలు అప్పగించి తన గొప్ప మనసుతో పాటు ప్రజల పట్ల పోలీసులకున్న సహృదయాన్ని చాటిచెప్పారు. అనంతరం ఆ బాలిక మాట్లాడుతూ పిల్లలంతా చక్కగా చదువు కోవాలని, బాల్య వివాహాల నివారణకు అంతా కంకణబద్ధులు కావాలని తెలిపింది.
Updated Date - 2020-11-21T05:40:32+05:30 IST