ఎస్ఈసీ అఖిలపక్ష భేటీ నేడు
ABN, First Publish Date - 2020-10-28T15:41:52+05:30
బెజవాడలో బుధవారం కీలక సమావేశం జరగనుంది.
విజయవాడ: బెజవాడలో బుధవారం కీలక సమావేశం జరగనుంది. రాజకీయ పార్టీలతో ఎస్ఈసీ సమావేశం నిర్వహించనుంది. స్థానిక ఎన్నికల నిర్వహణకు అభిప్రాయాలు, సూచనలు స్వీకరించనుంది. అయితే వైసీపీ ఈ సమావేశానికి గైర్హాజరవుతుందని సమాచారం. ఏపీలో స్థానిక ఎన్నికల నిర్వహణపై రాష్ట్రా ఎన్నికల సంఘం ఇవాళ అన్ని రాజకీయ పార్టీలతో సమావేశం కానుంది. ఎన్నికల సంఘం కార్యాలయంలో ఈ భేటీ జరగనుంది. కరోనా కారణంగా స్థానిక ఎన్నికలను గత మార్చిలో కమిషనర్ నిమ్మగడ్డ రమేష్ కుమార్ వాయిదా వేశారు.
ఇప్పుడు దేశ వ్యాప్తంగా ఎంపీ, ఎమ్మెల్యే, ఎమ్మెల్సీ ఎన్నికలు జరుగుతున్నాయి. ఈ నేపథ్యంలో ఏపీలో స్థానిక ఎన్నికలు నిర్వహించేందుకు అభ్యంతరం ఏంటని, దీనిపై నవంబర్ 2లోగా అఫిడవిట్ దాఖలు చేయాలని రాష్ట్ర హైకోర్టు కమిషనర్‌ను ఆదేశించింది. ఈ నేపథ్యంలో పార్టీల అభిప్రాయాలు తెలుసుకునేందుకు అన్ని రాజకీయ పార్టీలతో సమావేశం కావాలని కమిషనర్ నిర్ణయించారు. ఈ మేరకు అన్ని రాజకీయ పార్టీలకు ఆహ్వానాలు పంపారు.
Updated Date - 2020-10-28T15:41:52+05:30 IST