ఆరుద్రోత్సవ సేవలో బీద రవిచంద్ర
ABN, First Publish Date - 2020-12-31T03:22:15+05:30
మండలంలోని ఇస్కపల్లిలో వెలసిన అన్నపూర్ణ సమేత కాశీ విశ్వేశ్వర స్వామి ఆలయంలో స్వామివారికి బుధవారం ఆరుద్రోత్సవ సేవ నిర్వహించారు.
అల్లూరు, డిసెంబరు 30 : మండలంలోని ఇస్కపల్లిలో వెలసిన అన్నపూర్ణ సమేత కాశీ విశ్వేశ్వర స్వామి ఆలయంలో స్వామివారికి బుధవారం ఆరుద్రోత్సవ సేవ నిర్వహించారు. ఈ కార్యక్రమంలో ఎమ్మెల్సీ, టీడీపీ జాతీయ ప్రధాన కార్యదర్శి బీద రవిచంద్ర, ఆయన సోదరుడు బీద గిరిధర్ పాల్గొన్నారు. దేవదేవుడు పరమశివుడి జన్మనక్షత్రం ఆరుద్ర నక్షత్రం కావడం మార్గశిర మాసంలో ఈ పర్వదినాన్ని పురస్కరించుకుని ఈ కార్యక్రమాన్ని నిర్వహించారు. విశేష పూజలు చేపట్టిన అనంతరం స్వామివారికి పల్లకీ సేవ నిర్వహించారు. వేకువజామున రుద్రాభిషేకం వైభవోపేతంగా నిర్వహించారు. భక్తులకు అన్నదానం చేశారు. ఈ కార్యక్రమంలో బీద రవిచంద్ర, బీద గిరిధర్లు కుటుంబ సమేతంగా పాల్గొని కార్యక్రమాన్ని శాస్ర్తోక్తంగా నిర్వహించారు. భక్తులకు తీర్థప్రసాదాలు పంపిణీ చేశారు.
Updated Date - 2020-12-31T03:22:15+05:30 IST