జనవరి 15 నాటికి నాడు-నేడు పనులు పూర్తి చేయాలి
ABN, First Publish Date - 2020-12-30T02:27:36+05:30
: మండలంలోని అన్ని పాఠశాలల్లో నాడు-నేడు పనులు జనవరి 15వతేదీకల్లా పూర్తి చేయాలని ఎంఈవో ధిలీప్కుమార్ హెచ్ఎంలను ఆదేశించారు. మంగళవారం బుచ్చి ఎంపీడీవో ఈఈ ఆనంద్రెడ్డి, డీఈ రాధాకృష్ణ, ఏఈ మ
ఎంఈవో దిలీప్కుమార్
బుచ్చిరెడ్డిపాళెం,డిసెంబరు29: మండలంలోని అన్ని పాఠశాలల్లో నాడు-నేడు పనులు జనవరి 15వతేదీకల్లా పూర్తి చేయాలని ఎంఈవో ధిలీప్కుమార్ హెచ్ఎంలను ఆదేశించారు. మంగళవారం బుచ్చి ఎంపీడీవో ఈఈ ఆనంద్రెడ్డి, డీఈ రాధాకృష్ణ, ఏఈ మహేంద్రలతో కలిసి ఎంఈవో హెచ్ఎంలతో సమావేశం నిర్వహించారు. ఈ సందర్భంగా ఎంఈవో మాట్లాడుతూ ప్రభుత్వం చేపట్టిన నాడు- నేడు పనులు చివరిదశకు వచ్చాయన్నారు. పాఠశాలల్లో పనులకు ముందుగా తీసిపెట్టిన పాత ఫొటోలు, పనులు పూర్తయిన తరువాత కొత్త ఫొటోలను తీసి ఓ ఆల్బమ్ను తయారు చేయాలని తెలిపారు. బాగా పనులు చేసుకున్న ఉపాధ్యాయులు పీపీటీ ప్రజెంటేషన్ సిద్ధం చేయాలన్నారు. తద్వారా సమాజంలో నాటి పాఠశాలల తీరును, నేటి అభివృద్దిని ప్రజల్లోకి తీసుకెళ్లాలన్నారు. కార్యక్రమంలో మండలంలోని ప్రధానోపాధ్యాయులు, తదితరులు పాల్గొన్నారు.
Updated Date - 2020-12-30T02:27:36+05:30 IST