కామాంధ ఉపాధ్యాయుడు
ABN, First Publish Date - 2020-11-29T05:13:20+05:30
ట్యూషన్‌కు వచ్చిన ఓ చిన్నారి పట్ల వికృతచేష్టలకు పాల్పడ్డాడు ఓ కామాంధ ఉపాధ్యాయుడు. బాధిత చిన్నారి తల్లిదండ్రుల ఫిర్యాదు మేరకు దిశా పోలీసులు కేసు నమోదు చేశారు. శనివారం నిందితుడిని అరెస్ట్‌ చేశారు.
చిన్నారి పట్ల వికృతచేష్టలు
దిశ స్టేషన్‌లో కేసు నమోదు, అరెస్టు
నెల్లూరు(క్రైం)నవంబరు 28: ట్యూషన్‌కు వచ్చిన ఓ చిన్నారి పట్ల వికృతచేష్టలకు పాల్పడ్డాడు ఓ కామాంధ ఉపాధ్యాయుడు. బాధిత చిన్నారి తల్లిదండ్రుల ఫిర్యాదు మేరకు దిశా పోలీసులు కేసు నమోదు చేశారు. శనివారం నిందితుడిని అరెస్ట్‌ చేశారు. పోలీసుల సమాచారం మేరకు వేదాయపాళెంలో యాకోబ్‌ ట్యూషన్‌ చెప్పుకుంటూ జీవనం సాగిస్తున్నాడు. అదే ప్రాంతానికి చెందిన తల్లిదండ్రులు తమ ఎనిమిదేళ్ల కుమార్తెను అతని వద్దకు ట్యూషన్‌కు పంపారు. యాకోబ్‌ ఆ చిన్నారి పట్ల వికృతంగా ప్రవర్తించసాగాడు. విషయం తెలుసుకున్న ఆ తల్లిదండ్రులు దిశ పోలీసు స్టేషన్‌లో డీఎస్పీ నాగరాజుకు ఫిర్యాదు చేశారు. ఆయన ఆదేశాల మేరకు సిబ్బంది కేసు నమోదు చేసి నిందితుడిని అరెస్టు చేశారు.
Updated Date - 2020-11-29T05:13:20+05:30 IST