నున్న లే అవుట్‌ పనుల పరిశీలన
ABN, First Publish Date - 2020-07-06T09:39:30+05:30
జిల్లాలోనే మోడల్‌ టౌన్‌గా అభివృద్ధి చేయనున్న నున్న లే అవుట్‌ను విజయవాడ సబ్‌ కలెక్టర్‌ ధ్యానచంద్ర ..
విజయవాడ రూరల్‌, జూలై 5 : జిల్లాలోనే మోడల్‌ టౌన్‌గా అభివృద్ధి చేయనున్న నున్న లే అవుట్‌ను విజయవాడ సబ్‌ కలెక్టర్‌ ధ్యానచంద్ర ఆదివారం పరిశీలించారు. అక్కడ జరుగుతున్న పనులను పరిశీలించి సంతృప్తి వ్యక్తం చేశారు. పట్టాల పంపిణీకి సంబంధించిన పనులను వేగవంతం చేయాలని అధికారులకు సూచించారు. అనంతరం లబ్ధిదారుల వివరాలను రూరల్‌ తహసీల్దార్‌ బి. సాయి శ్రీనివాస్‌ నాయక్‌ను అడిగి తెలుసుకున్నారు. అనంతరం విజయవాడ కార్పొ రేషన్‌ పరిధిలోని లబ్ధిదారులకు ప్లాట్లు ఇవ్వనున్న లే అవుట్‌ను కూడా పరిశీలించారు. సబ్‌ కలెక్టర్‌ వెంట ఎంపీడీవో జె సునీత, వీఆర్వో టి. శంకర్‌, ఉపాధి పథకం టెక్నికల్‌ అసిస్టెంట్‌ శ్రీనివాస్‌ పాల్గొన్నారు.
నున్న సర్కార్‌ తోట ప్రాంతంలో విజయవాడ నగర ప్రజల కోసం ఏర్పాటు చేసిన లే అవుట్‌ను ఎమ్మెల్యే మల్లాది విష్ణు పరిశీలించారు. ఈ నెల 8న పట్టాలు పంపిణీ చేసేందుకు ఏర్పాట్లు పూర్తి చేయాలని రెవెన్యూ అధికారులకు ఆయన సూచించారు.
Updated Date - 2020-07-06T09:39:30+05:30 IST