వారంలో పంచాయతీ అభివృద్ధి
ABN, First Publish Date - 2020-10-23T10:01:28+05:30
వారంలోగా గ్రామ పంచాయతీ అభివృద్ధి ప్రణాళిక 2021-22 సిద్ధం చేయాలని అధికారులను కలెక్టర్‌ ఇంతియాజ్‌ ఆదేశించారు.
ప్రణాళిక సిద్ధం చేయండి
అధికారులకు కలెక్టర్‌ ఇంతియాజ్‌ ఆదేశం
విజయవాడ సిటీ : వారంలోగా గ్రామ పంచాయతీ అభివృద్ధి ప్రణాళిక 2021-22 సిద్ధం చేయాలని అధికారులను కలెక్టర్‌ ఇంతియాజ్‌ ఆదేశించారు. విజయవాడ, నూజివీడు రెవెన్యూ డివిజన్లలోని ఎంపీడీవోలు, ఈవోఆర్డీలు, గ్రామ పంచాయతీ నిర్వహణాధికారులకు గ్రామాభివృద్ధి ప్రణాళికలు తయారు చేయడంలో శిక్షణా కార్యక్రమాన్ని నగరంలోని పంచాయతీరాజ్‌ శాఖ కార్యాలయంలో కలెక్టర్‌ గరువారం ప్రారంభించారు. ఆయన మాట్లాడుతూ పీపుల్స్‌ ప్లానింగ్‌ క్యాంపెయిన్‌ ద్వారా గ్రామాన్ని సర్వే చేసి అభివృద్ధి ప్రణాళికల్లో పొందుపరచాలన్నారు. గ్రామ పంచాయతీ వార్షిక లెక్కలు, బడ్జెట్‌ ఆయా గ్రామాల్లో గతంలో జరిగిన అభివృద్ధి, చేయాల్సిన అభివృద్ధిని పరిగణనలోకి తీసుకుని ప్రణాళికలు సిద్ధం చేయాలన్నారు. జిల్లా పరిషత్‌ సీఈవో సూర్యప్రకాష్‌, జిల్లా పంచాయతీ అధికారి సాయిబాబా పాల్గొన్నారు.
Updated Date - 2020-10-23T10:01:28+05:30 IST