వెలగపూడి ఘటనలో ఎస్ఐపై వేటు
ABN, First Publish Date - 2020-12-29T05:51:42+05:30
తుళ్లూరు మండలం వెలగపూడి ఎస్సీ కాలనీలో ఇరువర్గాల మధ్య ఘర్షణ.. ఓ మహిళ మృతి చెందిన ఘటనలో ఎస్ఐను సస్పెండ్ చేశారు.
గుంటూరు, డిసెంబరు 28: తుళ్లూరు మండలం వెలగపూడి ఎస్సీ కాలనీలో ఇరువర్గాల మధ్య ఘర్షణ.. ఓ మహిళ మృతి చెందిన ఘటనలో ఎస్ఐను సస్పెండ్ చేశారు. వెలగపూడి ఎస్సీ కాలనీకి చెందిన రమణ అనే ఎస్ఐ నెల్లూరు జిల్లా కావలి స్టేషన్లో విధులు నిర్వహిస్తున్నారు. అయితే కొద్ది రోజులుగా ఆయన సెలవుపై వచ్చి వెలగపూడిలో ఉంటున్నారు. కాలనీలో ఆర్చి ఏర్పాటు చేసే విషయంపై జరిగిన ఘర్షణకు సంబంధించి ఎస్ఐ రమణ ఒక వర్గాన్ని రెచ్చగొట్టేలా వ్యవహరించారంటూ ఉన్నతాధికారులకు సమాచారం వచ్చింది. విచారణలో ఈ ఆరోపణలు నిజమేనని తేలడంతో ఆయన్ను సస్పెండ్ చేశారు.
Updated Date - 2020-12-29T05:51:42+05:30 IST