నెట్వర్క్ ఆస్పత్రులకు 180 కోట్లు విడుదల
ABN, First Publish Date - 2020-10-14T08:19:20+05:30
ఆరోగ్యశ్రీ నెట్వర్క్ ఆస్పత్రుల బకాయిల నిమిత్తం ఆరోగ్యశ్రీ ట్రస్ట్ రూ.180.34 కోట్లు విడుదల చేసింది. ట్రస్ట్ పరిధిలోని...
అమరావతి, అక్టోబరు 13 (ఆంధ్రజ్యోతి): ఆరోగ్యశ్రీ నెట్వర్క్ ఆస్పత్రుల బకాయిల నిమిత్తం ఆరోగ్యశ్రీ ట్రస్ట్ రూ.180.34 కోట్లు విడుదల చేసింది. ట్రస్ట్ పరిధిలోని 573 ఆరోగ్యశ్రీ నెట్వర్క్ ఆస్పత్రులు, 544 ఈహెచ్ఎస్ ఆస్పత్రులకు ఇప్పటి వరకు పెండింగ్లో ఉన్న మొత్తం బాకాయిలను అధికారులు చెల్లించారు. ఈ మేరకు ఆరోగ్యశ్రీ పథకం కింద చెల్లించాల్సిన రూ.148.37 కోట్లు, ఈహెచ్ఎస్ కింద చెల్లించాల్సిన రూ.31.97 కోట్లను నెట్వర్క్ ఆస్పత్రుల ఖాతాల్లో జమ చేశారు. సీఎం ఆదేశాల మేరకు నెట్వర్క్ ఆస్పత్రులకు ఎప్పటికప్పుడు బకాయిలు చెల్లిస్తున్నామని ఆరోగ్యశ్రీ సీఈవో డాక్టర్ ఏ.మల్లికార్జున్ తెలిపారు.
Updated Date - 2020-10-14T08:19:20+05:30 IST