కోకోనట్‌ బర్ఫీ
ABN, First Publish Date - 2019-10-26T20:01:46+05:30
నెయ్యి - ఒక టేబుల్‌స్పూన్‌, కొబ్బరితురుము - రెండు కప్పులు, కోవా - ఒక కప్పు, పాలు - రెండు కప్పులు, పంచదార - ఒక కప్పు, యాలకుల పొడి - ఒక టీస్పూన్‌..
కావలసినవి
నెయ్యి - ఒక టేబుల్‌స్పూన్‌, కొబ్బరితురుము - రెండు కప్పులు, కోవా - ఒక కప్పు, పాలు - రెండు కప్పులు, పంచదార - ఒక కప్పు, యాలకుల పొడి - ఒక టీస్పూన్‌, రోజ్‌వాటర్‌ - ఒక టీస్పూన్‌, కుంకుమ పువ్వు - కొద్దిగా, ఫుడ్‌ కలర్‌ - చిటికెడు.
తయారీవిధానం
పాన్‌లో నెయ్యి వేసి కాస్త వేడి అయ్యాక కొబ్బరి తురుము వేసి వేగించాలి. కాసేపు వేగిన తరువాత పాలు, పంచదార వేసి కలియబెట్టాలి. మిశ్రమం చిక్కబడే వరకు చిన్నమంటపై ఉంచాలి. తరువాత కుంకుమపువ్వు, యాలకుల పొడి, రోజ్‌వాటర్‌ వేసి కలపాలి. మిశ్రమం చిక్కబడిన తరువాత కోవా వేసి నెమ్మదిగా కలియబెట్టాలి. ఇప్పుడు మిశ్రమాన్ని రెండు వేర్వేరు వెడల్పాటి పాత్రల్లోకి మార్చి నచ్చిన ఫుడ్‌కలర్‌ కలపాలి.
వేడిగా ఉండగానే ఒక పాన్‌లోని మిశ్రమాన్ని మరో పాన్‌లో మిశ్రమంపై పోయాలి. పాన్‌ అంతటా సమంగా వచ్చేలా చూసుకోవాలి. చల్లారిన తరువాత ఫ్రిజ్‌లో పెట్టుకోవాలి. డైమండ్‌ ఆకారంలో కట్‌ చేసి సర్వ్‌ చేసుకోవాలి.
Updated Date - 2019-10-26T20:01:46+05:30 IST