స్వీట్ అమ్మిని కొళుకట్టై
ABN, First Publish Date - 2019-08-31T16:26:14+05:30
బియ్యప్పిండి - అరకప్పు, బెల్లం - పావు కప్పు, కొబ్బరి తురుము - మూడు టేబుల్స్పూన్లు
కావలసినవి
బియ్యప్పిండి - అరకప్పు, బెల్లం - పావు కప్పు, కొబ్బరి తురుము - మూడు టేబుల్స్పూన్లు, నెయ్యి - ఒక టీస్పూన్, నువ్వులు - రెండు టేబుల్స్పూన్లు, యాలకుల పొడి - చిటికెడు, నీళ్లు - తగినన్ని, ఉప్పు - కొద్దిగా.
తయారీవిధానం
ఒక పాత్రలో బియ్యప్పిండి తీసుకొని కొద్దిగా ఉప్పు వేయాలి. మరొక పాత్రలో నీళ్లు వేడి చేసుకోవాలి. నీళ్లను కొద్ది కొద్దిగా పిండిలో పోస్తూ మెత్తగా అయ్యేలా కలుపుకోవాలి. బాగా వేడిగా ఉన్నట్లయితే కాసేపు చల్లారిన తరువాత కలుపుకోవాలి. ఇప్పుడు చేతులకు నూనె రాసుకుంటూ చిన్న చిన్న ఉండలుగా చేసుకోవాలి. వీటిని స్టీమర్ ప్లేట్లో లేదా ఇడ్లీ ప్లేట్లో పెట్టి పది నిమిషాల పాటు ఉడికించాలి. ఒక పాన్ తీసుకొని కొబ్బరి తరుము, నువ్వులను వేగించి పక్కన పెట్టుకోవాలి. మరొకపాత్రలో బెల్లం వేసి కొద్దిగా నీళ్లు పోసి చిన్నమంటపై ఉడికించాలి. మిశ్రమం చిక్కగా అయ్యాక ఉడికించిన ఉండలు, కొబ్బరి తురుము, నువ్వులు, యాలకుల పొడి వేయాలి. చివరగా నెయ్యి వేసుకొని దింపి సర్వ్ చేసుకోవాలి.
Updated Date - 2019-08-31T16:26:14+05:30 IST