క్యాలిఫ్లవర్‌ చీజ్‌ సూప్‌
ABN, First Publish Date - 2018-08-04T21:56:15+05:30
వెన్న - ఒక టేబుల్‌స్పూను, వెల్లుల్లి రెబ్బలు - ఐదు, ఉల్లిపాయ - అర కప్పు (ముక్కలు), ఉప్పు - సరిపడా...
కావలసినవి
వెన్న - ఒక టేబుల్‌స్పూను, వెల్లుల్లి రెబ్బలు - ఐదు, ఉల్లిపాయ - అర కప్పు (ముక్కలు), ఉప్పు - సరిపడా, ఉడకబెట్టిన క్యాలిఫ్లవర్‌ - ఒక కప్పు, మిరియాలపొడి - కొద్దిగా, చికెన్‌ స్టాక్‌ - 500 ఎంఎల్‌, చీజ్‌ - రెండు టేబుల్‌స్పూన్లు, పాలు - ఒక కప్పు, పుదీనా - గుప్పెడు.
తయారీవిధానం
స్టవ్‌ మీద కడాయి పెట్టి అందులో వెన్న వేయాలి. అది వేడెక్కిన తర్వాత అందులో వెల్లుల్లి, ఉల్లిపాయముక్కలు, ఉప్పు వేసి వేగించాలి. హాఫ్‌ బాయిల్డ్‌ చేసిన క్యాలిఫ్లవర్‌ని కూడా అందులో వేగించాలి. కొద్దిగా మిరియాలపొడి, చికెన్‌ స్టాక్‌ కూడా అందులో వేసి రెండు నిమిషాలు మరిగించాలి. ఆ మిశ్రమం చల్లారిన తర్వాత మిక్సీలో వేసి మెత్తగా చేయాలి.కడాయిలో మిక్సీ పట్టిన క్యాలిఫ్లవర్‌ మిశ్రమాన్ని వేసి మరిగించాలి. చీజ్‌, పాలు కూడా అందులో వేసి మరికొద్ది సేపు మరగనివ్వాలి. ఆ తర్వాత ఈ మిశ్రమాన్ని బౌల్‌లో పోసి దానిపై పుదీనా ఆకులు చల్లాలి. క్యాలిఫ్లవర్‌ చీజ్‌ సూప్‌ రెడీ.
Updated Date - 2018-08-04T21:56:15+05:30 IST