జామ ఊరగాయ
ABN, First Publish Date - 2018-01-06T23:18:07+05:30
జామకాయముక్కలు- ఒక కప్పు, ఆవాలు, జీలకర్ర,- ఒక్కోటి ఒక్కో టీస్పూను చొప్పున, మెంతులు- అర టీస్పూను..
కావలసినవి
జామకాయముక్కలు- ఒక కప్పు, ఆవాలు, జీలకర్ర,- ఒక్కోటి ఒక్కో టీస్పూను చొప్పున, మెంతులు- అర టీస్పూను, వేరుశెనగ నూనె-తగినంత, ఎండుమిర్చి-మూడు, కరివేపాకు- కొద్దిగా, ఇంగువ-చిటికెడు, చింతపండు గుజ్జు- అర కప్పు, పచ్చిమిర్చి (తరుగు)-మూడు, చక్కెర, పసుపు - ఒక్కో టీస్పూను చొప్పున, ఉప్పు- తగినంత, కారం- ఒక టేబుల్స్పూను, నిమ్మకాయ- ఒకటి (ముక్కలు తరిగి).
తయారీ విధానం
ఆవాలు, జీలకర్ర, మెంతులను రెండు నిమిషాలపాటు కళాయిలో నూనె లేకుండా వేగించాలి. ఇవి చల్లారాక మిక్సీలో గ్రైండ్చేయాలి. ఒక పాన్లో వేరుశెనగనూనె పోసి అది వేడెక్కాక ఎండుమిర్చి, కరివేపాకు, జామకాయముక్కలు, ఇంగువ వేసి వేగించాలి. ఆ తర్వాత అందులోనే చింతపండు గుజ్జు, పచ్చిమిర్చి తరుగు, నిమ్మముక్కలు వేసి ఐదు నిమిషాలు ఉడికించాలి. దాని తర్వాత అందులో చక్కెర, పసుపు, ఉప్పు, కారాలు కూడా కలిపి మరికొంతసేపు ఉడికించాలి. చివరిగా మిక్సీ పట్టిన పొడిని వేసి మరికొద్దిసేపు (మూడునిమిషాలు) ఉడికించాలి. అంతే...నోరూరించే జామ ఊరగాయ రెడీ...
Updated Date - 2018-01-06T23:18:07+05:30 IST