నువ్వులతో మటన్‌ కర్రీ
ABN, First Publish Date - 2017-12-02T16:53:55+05:30
మటన్‌(చిన్న ముక్కలు)-కిలో, అల్లం పేస్టు- ఒక టేబుల్‌స్పూను, వెల్లుల్లి పేస్టు- ఒకటిన్నర టేబుల్‌స్పూను, ఉప్పు-ఒక టీస్పూను, బెల్లం (తరుగు), గసగసాలు- ఒక్కో టేబుల్‌స్పూను చొప్పున, లవంగాలు-8, గ్రీన్‌ యాలకులు-ఆరు, సోంపు-రెండు టీస్పూన్లు,
కావాల్సినవి: మటన్‌(చిన్న ముక్కలు)-కిలో, అల్లం పేస్టు- ఒక టేబుల్‌స్పూను, వెల్లుల్లి పేస్టు- ఒకటిన్నర టేబుల్‌స్పూను, ఉప్పు-ఒక టీస్పూను, బెల్లం (తరుగు), గసగసాలు- ఒక్కో టేబుల్‌స్పూను చొప్పున, లవంగాలు-8, గ్రీన్‌ యాలకులు-ఆరు, సోంపు-రెండు టీస్పూన్లు, దాల్చినచెక్క- చిన్నముక్క, నూనె- నాలుగు టేబుల్‌స్పూన్లు, ఆవాలు-ఒక టీస్పూను, ఎండుమిర్చి-ఐదు, కారం-ఒక టీస్పూను, పసుపు- అరచెంచా, సన్నగా తరిగిన అల్లం ముక్కలు- మూడు టేబుల్‌స్పూన్లు, నువ్వులు(వేగించి)-ఒక టీస్పూను, నిమ్మరసం, కొత్తిమీర తరుగు- ఒక్కోటి రెండు టీస్పూన్ల చొప్పున.
తయారీ:
- అల్లం, వెల్లుల్లి పేస్టు, బెల్లం తరుగు, ఉప్పులను ఒక గిన్నెలో వేసి కలపాలి. ఈ మిశ్రమాన్ని మటన్‌కు పట్టించి గంటపాటు నానబెట్టాలి.
- గసగసాలు, వెల్లుల్లి, యాలకులు, సోంపు, దాల్చినచెక్కలను తవా మీద కాసేపు వేగించి గ్రైండ్‌ చేయాలి.
- లోతైన కళాయిలో నూనె వేడి చేసి ఆవాలు, ఎండుమిర్చి వేగించాలి. తరువాత మటన్‌ వేసి బంగారు రంగులోకి వచ్చే వరకూ వేగించాలి.
- మటన్‌ వేగాక కారం, పసుపు, అల్లం, గ్రైండ్‌ చేసిపెట్టుకున్న మసాలా వేసి కలపాలి.
- తర్వాత ఒక కప్పు నీళ్లు పోసి మూత పెట్టి గంటసేపు సన్నని మంటపై ఉడికించాలి.
- వేగించిన నువ్వులను మటన్‌ కర్రీపై చల్లి నిమ్మరసం కూడా వేసి కలపాలి.
- రెడీ అయిన మటన్‌ కర్రీ మీద కొత్తిమీర తరుగు చల్లి వేడి వేడిగా తింటే టేస్టీగా ఉంటుంది.
Updated Date - 2017-12-02T16:53:55+05:30 IST