బటర్‌ చిల్లీ ప్రాన్స్‌
ABN, First Publish Date - 2017-10-07T20:08:37+05:30
వెన్న - 25 గ్రాములు, ఆలివ్‌ ఆయిల్‌ - రెండు టేబుల్‌స్పూన్లు, వెల్లుల్లిపాయలు...
కావలసినవి
వెన్న - 25 గ్రాములు, ఆలివ్‌ ఆయిల్‌ - రెండు టేబుల్‌స్పూన్లు, వెల్లుల్లిపాయలు - మూడు (సన్నగా తరిగినవి), ఎర్రమిరపకాయ - ఒకటి, స్వీట్‌ పాప్రికా - అర టీస్పూను (మార్కెట్‌లో దొరుకుతుంది), పెద్ద రొయ్యలు - 20, ఒక నిమ్మకాయ రసం, సన్నగా తరిగిన పార్సిలే ఆకు.
తయారీ
ఫ్రైయింగ్‌ పాన్‌లో నూనె, వెన్న రెండింటినీ కలిపి ఒకేసారి వేడిచేయాలి. అందులో పాప్రికా, వెల్లుల్లి, మిరపకాయలు వేసి బంగారు వర్ణంలోకి వచ్చేదాకా ఒకటి రెండు నిమిషాల పాటు వేగించాలి. మంటను పెంచి అందులో రొయ్యలు వేసి కొన్ని నిమిషాలపాటు వేగించాలి. రొయ్యలు గులాబీ వర్ణంలోకి వచ్చేదాకా గరిటెతో కలుపుతుండాలి. ఆ తర్వాత స్టవ్‌ ఆపేసి నిమ్మరసం, పార్సెలే ఆకుల్లో రొయ్యలు వేసి బాగా కలపాలి. అలా తయారు చేసిన బటర్‌ చిల్లీ ప్రాన్స్‌ను వేడిగా తింటే ఎంతో రుచిగా ఉంటాయి.
Updated Date - 2017-10-07T20:08:37+05:30 IST